پاريج قازاقتارىنىڭ فۋتبول كلۋبى «استانامەن» جولداستىق كەزدەسۋ وتكىزەدى
09:43, 09 - ماۋسىم 2015
استانا.قازاقپارات - ەلىمىزگە كەشە پاريجدەن كەلگەن Paris Kazakspor فۋتبول كلۋبىنىڭ اياق دوپ شەبەرلەرى بۇگىن «استانا» كومانداسىنىڭ قوسالقى قۇرامىمەن جولداستىق كەزدەسۋ وتكىزەدى.
استانا قالاسىنداعى «جاس باتىر» ستاديونىندا وتەتىن وسىناۋ ماتچ جەرگىلىكتى ۋاقىتپەن ساعات 17.00 دە باستالادى.
ايتا كەتەيىك، فرانسياداعى قازاق فۋتبولشىلارىنان قۇرالعان Paris Kazakspor فۋتبول كلۋبى كەشە استاناعا كەلگەن بولاتىن. اتاجۇرتقا تۇڭعىش رەت تابان تىرەگەن قازاق جىگىتتەرى الداعى كۇندەردە قاراعاندى، شىمكەنت جانە الماتى قالالارىندا قازاقستاندىق فۋتبول كوماندالارىمەن بىرنەشە كەزدەسۋ وتكىزەتىن بولادى.
مايگۇل سۇلتان
baq.kz