شۆارتسەنەگگەر ا ق ش-تى وبامادان جاقسى باسقاراتىنىن ايتتى
شىققان تەگى اۆستريالىق نەمىس بولىپ تابىلاتىن اكتەر امەريكانىڭ باستى ساياسي يستابليشمەنتىندە جوعارى لاۋازىم الا المايدى. الايدا، رەسپۋبليكاشىلار كوزقاراسىن ۇستاناتىن ول كاليفورنيا شتاتىن باسقارىپ كوردى. ەندى بۇدان دا بيىك ورىنتاقتا ەلگە پايداسى تيەتىنىنە سەنىمدى. اتاپ ايتقاندا، قازىر دەموكراتتار بيلەپ وتىرعان اق ءۇي مەن ونىڭ اكىمشىلىگىنەن ارتىق بولاتىندارىن قاداپ جەتكىزدى.
«مەن ا ق ش- تا تۋعانىمدا ەلدىڭ پرەزيدەنتتىگىنە تالاساتىنىمدى جۇرتتىڭ ءبارى بىلەدى. ءبىراق مەن مىنا جىگىتتەرگە قاراعاندا جۇمىستى ارتىق ىستەگەن بولار ەدىم، سەنىڭىزدەر ماعان!»، - دەدى 67 جاستاعى ءارتىس.
شۆارتسەنەگگەر اۆستريادان ا ق ش- قا 1968-جىلى 21 جاسىندا قونىس اۋداردى. سپورتتاعى مانسابىن 1980-جىلى اياقتادى. ول 60-جىلداردىڭ اياعىنان كينوعا تۇسە باستادى. 2003-جىلدىڭ قاراشاسىنان 2011-جىلدىڭ قاڭتارىنا دەيىن كاليفورنيا شتاتىنىڭ گۋبەرناتورى بولىپ قىزمەت ىستەدى.