عالىمدار: مۋزىكالىق تالعام الەۋمەتتىك مارتەبەگە بايلانىستى

استانا. قازاقپارات - زەرتتەۋشىلەر ادامنىڭ مۋزىكاعا قىزىعۋشىلىعى ونىڭ الەۋمەتتىك مارتەبەسىنە بايلانىستى ەكەندىگىن انىقتادى.

بۇل تۋرالى epochtimes.ru حابارلايدى.

بريتانيالىق كولۋمبيا ۋنيۆەرسيتەتىنىڭ وسى رەتتە وتكىزگەن تاجىريبەسىنە 1600 ادام قاتىسىپتى. ولاردان 20 دان اسا مۋزىكالىق جانردى باعالاۋ سۇرالدى. ءسويتىپ، مۋزىكالىق تالعامنىڭ ءتۇرلى فاكتورعا تاۋەلدىلىگى انىقتالدى.

سىناق ناتيجەسىنە سايكەس، ءبىلىم دەڭگەيى مەن تابىسى تومەن ادامدار نەگىزىنەن كوڭىلدى ديسكو، كانتري، ەسكى شلياگەرلەر، حيەۆي-مەتال نەمەس رەپتى تاڭداعان.

ال جوعارى ءبىلىمى بار اۋقاتتى قاتىسۋشىلار بولسا، كلاسسيكالىق مۋزىكا، پوپ، روك، دجاز، ەتنيكالىق مۋزىكا مەن ميۋزيكلدەگى اندەردى تىڭداعان. ءبىراق عالىمداردىڭ تۇجىرىمىنا سايكەس، مۋزىكانىڭ قاي باعىتىن تاڭدايتىندىعىنا ادامنىڭ جاسى، جىنىسى مەن ۇلتى دا اسەر ەتۋى ىقتيمال ەكەنىن ايتادى.

www.24.kz