شىمكەنت پوليتسەيلەرى پارا الىپ جاتقان جەرىنەن ۇستالدى
«سول الدىنداعى تەكسەرۋ بارىسىندا پوليتسيا كاپيتاندارى ە. ەرگەبەكوۆ پەن ا. اۋەزوۆ ازاماتتان ەسىرتكىلىك زاتتاردىڭ زاڭسىز اينالىمىمەن بايلانىستى قۇقىق بۇزۋشىلىق فاكتىسىن جاسىرۋ جانە وڭ شەشىم قابىلداۋ ءۇشىن 5000 دوللار كولەمىندەگى اقشانى تالاپ ەتكەنى بەلگىلى بولعان»، - دەپ حابارلادى باسپا ءسوز قىزمەتىنەن.
پوليتسەيلەرگە قاتىستى ق ر ق ك-نىڭ 366-بابىمەن سوت الدىنداعى تەرگەۋ امالدارى جۇرگىزىلىپ جاتىر. قازىرگى كەزدە ولار قاماۋعا الىندى.
تاعى ءبىر قىلمىستىق ءىس ولاردىڭ ارىپتەسىنە قاتىستى قوزعالعان. جەمقورلىققا قارسى كۇرەس جۇرگىزۋ قىزمەتكەرلەرىنىڭ مالىمەتتەرىنشە، شىمكەنت قالالىق ءىىب ءال- فارابي پوليتسيا ءبولىمىنىڭ قىزمەتكەرى ج. جاقىپوۆ 10 مىڭ تەڭگە كولەمىندەگى پارانى الۋ كەزىندە ۇستالعان. تەرگەۋ مالىمەتتەرى بويىنشا، بۇل سومانى ول شارتتى تۇردە جازالانعان ازاماتشانىڭ تارتىبىنە باقىلاۋ جاساۋ كەزىندەگى قامقورلىعى ءۇشىن بوپسالاعان.
اتالعان فاكتىمەن ق ر ق ك-نىڭ 366-بابى («زاڭسىز ارەكەتتەر ءۇشىن پارا الۋ») بويىنشا سول الدىنداعى تەرگەۋ جۇرگىزىلۋدە.