استانا ارلانس بوكسشىسى ق ر قىزدار قۇراماسىنىڭ بوكسشىسىمەن شاڭىراق كوتەردى - فوتو

استانا. قازاقپارات - «استانا ارلانس» كلۋبىنىڭ بۇرىنعى بوكسشىسى باعدات الىمبەكوۆ قازاقستان قىزدار قۇراماسىنىڭ بوكسشىسى اقتولقىن كەڭەسبەكوۆاعا ۇيلەندى، دەپ حابارلايدى Bnews.kz.

ۇيلەنۋ تويىنا الىمبەكوۆ پەن كەڭەسبەكوۆانىڭ بوكسشى دوس-جاراندارى جينالدى. ال قىز جولداس بوكسشى جانبوتا ءجۇسىپوۆا بولدى.

ايتا كەتۋ كەرەك، باعدات الىمبەكوۆ - ق ر ەڭبەك سىڭىرگەن سپورت شەبەرى، كوپتەگەن حالىقارالىق تۋرنيرلەردىڭ جەڭىمپازى، سونداي- اق «استانا ارلانس» كلۋبى ساپىندا 52 كەلىگە دەيىنگى سالماقتا قازاقستان نامىسىن قورعادى.

ال باعداتتىڭ ومىرلىك سەرىگى اقتولقىن كەڭەسبەكوۆا - قازاقستاننىڭ ءتورت دۇركىن چەمپيونى، الەم چەمپيوناتىنا ەكى رەت قاتىسقان.
ول اتلانتادا وتكەن وليمپيادا ويىندارىنىڭ قولا جۇلدەگەرى بولات نيازىمبەتوۆتىڭ قىزى.