شىعىس قازاقستاندا وقۋشى جارتى ميلليون تەڭگە ءمورالدىق شىعىن ءوندىرىپ الدى
گلۋبوكوۆسكي اۋدانىنىڭ 10 -سىنىپتا وقيتىن تۇرعىنى قۇقىق قورعاۋ ورگاندارىنا 1 ميلليون تەڭگە ءمورالدىق شىعىندى ءوندىرىپ الۋ تۋرالى شاعىم جازعان. ءىس ماتەريالدارىنا قاراعاندا، قىزدى اۆتوكولىك سوعىپ كەتكەن. جول اپاتىندا ول اۋىر جاراقات الىپتى. ءبىراق جۇرگىزۋشىگە قاتىستى قىلمىستىق ءىس قىلمىس قۇرامىنىڭ جوقتىعىنا بايلانىستى توقتاتىلعان ەدى.
«سوت وتىرىسىندا جول اپاتىنان دەنە جاراقاتىن العان قىزدىڭ رۋحاني تۇردە ازاپتالعانى انىقتالدى. ول قالىپتى ءومىر سالتىن ۇستانۋ مۇمكىندىگىنەن شەكتەلگەن، پلاستينالاردىڭ، سىمنىڭ، بۇراندالاردىڭ، مەتالل بەكىتكىش قۇرالدارىنىڭ قولدانىلۋىمەن ءتورت رەت وتا جاساتتى، ودان كەيىن قىز دەنە اۋىرتپالىعىمەن ءومىر ءسۇردى. ءوز قاتارلاستارىمەن قاتار وقي الماي، ءبىلىم الۋىن ءبىر جىلعا شەگەردى. ول اۋرۋحانادا ەمدەلدى، امبۋلاتورلىق ەم قابىلداپ جاتىر»، - دەلىنگەن سوت حابارلاماسىندا.
ءىس بويىنشا جاعداياتتاردى ەسكەرە وتىرىپ، سوت جول اپاتىن جاساعان جۇرگىزۋشىدەن 500 مىڭ تەڭگە كولەمىندە وتەماقىنى ءمورالدىق شىعىن رەتىندە قىزدىڭ پايداسىنا ءوندىردى. مۇنداي شەشىم ق ر ازاماتتىق كودەكسىنىڭ بابىنىڭ نەگىزىندە قابىلداندى، وندا ءمورالدىق شىعىننىڭ جاپا شەكتىرۋشىنىڭ كىناسىنەن تاۋەلسىز وندىرىلەتىنى جازىلعان. سوتتىڭ شەشىمى زاڭ كۇشىنە ەندى.