پاريجدەگى قازاق فۋتبولشىلارى استاناعا كەلدى
ولار ەلىمىزدىڭ ءتورت ءىرى قالاسىندا قازاقستاندىق فۋتبول كوماندالارىمەن جولداستىق كەزدەسۋ وتكىزەدى.
Paris Kazakspor فۋتبول كلۋبىنىڭ 14 جىگىتى ەرتەڭ ەلورداداعى ق. مۇڭايتپاسوۆ اتىنداعى ستاديوندا ونەر كورسەتەتىن بولادى. 11 - ماۋسىم كۇنى قاراعاندى قالاسىندا «شاحتەردىڭ» قوسالقى كومانداسىمەن سايىسقا تۇسەتىن قانداستارىمىز ماۋسىمنىڭ 15 ىندە شىمكەنت قالاسىنا بارىپ، «ورداباسىنىڭ» قوسالقى كوماندسىمەن كەزدەسپەك. 18 - ماۋسىمدا الماتى قالاسىندا تۋرنير وتكىزەتىن كوماندانىڭ قارسىلاستارى الداعى ۋاقىتتا انىق بولادى.
1986 -جىلى قۇرىلعان Paris Kazakspor فۋتبول كلۋبى بۇگىندە فرانسيا فۋتبول فەدەراتسياسىنىڭ 7 ليگاسىندا ونەر كورسەتەدى. قانداستارىمىز «پاريج» جانە «يل- دە- فرانس» كۋبوكتارىن جەڭىپ العان.
اتاپ وتەرلىگى، بۇل رەت پاريج قازاق فۋتبولشىلارى قاراعاندىداعى «ناتيجە» ءسۇت فابريكاسىنىڭ باس ديرەكتورى ەرلان ءاشىمنىڭ باس دەمەۋشى بولۋىمەن جانە «Otyrar- Group» كومپانياسىنىڭ ديرەكتورى ءابدىماجيت سىزدىقبەكوۆ پەن Partners Foundation كومپانياسىنىڭ باسشىسى تىلەۋجان تىلەشوۆتىڭ قولداۋىمەن اتاجۇرتتا تۇڭعىش رەت ويىن كورسەتكەلى وتىر.
مايگۇل سۇلتان
baq.kz