شارادا 100 دەن اسا مەملەكەت وكىلدىگى قول ونەر بۇيىمدارى مەن كادەسىي، ۇلتتىق تاعامدارىن ەل نازارىنا ۇسىندى. قازاقستاندىق ەكسپوزيسيا بۇل جولى دا ەڭ تارتىمدى، كوپ ادام تاماشالاعان ورتاعا اينالدى.
ب ۇ ۇ باس حاتشىسى زايىبىمەن قازاقستاندىق جارقىن «مەكەندە» ءبىراز ايالدادى. مارتەبەلى مەيمان وتانداستارىمىزدىڭ تاماشا قولونەر بۇيىمدارى مەن جۇننەن توقىلعان، كەراميكادان جاسالعان تۋىندىلارعا ەرەكشە نازار اۋداردى.
ب ۇ ۇ جانىنداعى قازاقستان ميسسياسىمەن ءبىراز اڭگىمە قۇرعان پان گي مۋن استاناعا ساپارى الدىندا ەلىمىزدىڭ مادەنيەتىمەن، ونەرىمەن جەتە تانىسقىسى كەلەتىنىن ايتىپ، بىرنەشە كادەسىي، باۋىرساق، سامسا، چاك- چاك ساتىپ الدى.