تۇركيادا پارلامەنتتىك سايلاۋ باستالدى

استانا. قازاقپارات - تۇركيانىڭ بارلىق اۋماعىندا بۇگىن سايلاۋ ۋچاسكەلەرى اشىلىپ، مەدجليستىڭ (پارلامەنتتىڭ) جاڭا قۇرامىن سايلاۋعا داۋىس بەرۋ باستالدى. ەلدە 53 ميلليوننان استام ادام داۋىس بەرە الادى.

سايلاۋ ۋچاسكەلەرى جەرگىلىكتى ۋاقىت بويىنشا ساعات 08:00 دە اشىلىپ، ساعات 17:00 دە اياقتالادى. داۋىس بەرۋگە كەلۋشىلەر سانى 80 پايىزعا جەتۋى ىقتيمال.

بارلىعى سايلاۋعا 20 ساياسي پارتيا، 165 تاۋەلسىز كانديداتتار قاتىسۋدا. ساياسي ارەنانىڭ نەگىزگى ويىنشىلارى ادىلدىك پەن دامۋ بيلىك پارتياسى، وپپوزيتسيالىق حالىقتىق-رەسپۋبليكالىق پارتيا، ۇلتتىق قوزعالىس پارتياسى بولىپ وتىر. 10 پايىزدىق ەلەكتورالدىق توسقاۋىلدى ەڭسەرۋگە قابىلەتتى ءتورتىنشى پارتيا كۇرد حالىقتىق دەموكراتيالىق پارتياسى بولىپ تابىلادى. ول پارتيالىق ءتىزىم بويىنشا ماجلىسكە العاش رەت سايلانۋدا.