قازاق كۇرەسىنىڭ باس جۇلدەگەرى قاجىلىققا تەگىن جولدامانى ۇتىپ الدى - فوتو
ق م د ب باسپا ءسوز قىزمەتى اتاپ وتكەندەي، ۇلتتىق سپورتتىڭ ابىرويىن اسقاقتاتقان ءدۇبىرلى دودانى جانكۇيەرلەرمەن بىرگە قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ەرجان قاجى مالعاجى ۇلى، نايب ءمۇفتي ناۋرىزباي تاعان ۇلى، قازاقتىڭ داڭقتى بالۋانى، كۇرەستەن تۇڭعىش وليمپيادا چەمپيونى جاقسىلىق ۇشكەمپىروۆ ت. ب. سپورت شەبەرلەرى تاماشالادى.
باس ءمۇفتي ەرجان قاجى مالعاجى ۇلىنىڭ جۇلدەسى ءۇشىن ۇيىمداستىرىلعان دوداعا وڭىردەن ىرىكتەلىپ شىققان جاسى 18 دەن اسقان، سالماعى 74 كەلىدەن جوعارى 75 بالۋان قاتىستى. سونىمەن حالىقارالىق دارەجەدەگى تورەشىلەر شەشىمىمەن تومەندەگى سپورتشىلار جۇلدەلى ورىندارعا يە بولدى.
1- ورىن - جايىق قىڭىربەكوۆ (الماتى وبلىسى). ۇلكەن قاجىلىققا تەگىن جولداما جانە 750000 تەڭگە قارجىلاي سىيلىق.
2-ورىن - الماز بەگىمبەتوۆ (جامبىل وبلىسى). كىشى قاجىلىققا تەگىن جولداما جانە 375000 تەڭگە قارجىلاي سىيلىق.
3-ورىن - اقجول راقىمجانوۆ (قوستاناي وبلىسى). تەلەديدار جانە 200000 تەڭگە قارجىلاي سىيلىق.