جاھاندىق ازىق-تۇلىك قاۋىپسىزدىگىندە قازاقستاننىڭ ءرولىن ارتتىرۋعا ءمان بەرىلەدى - اپتالىق شولۋ
«قازاقستان ءۇشىن اگرارلىق سەكتور ءداستۇرلى زور مانگە يە - بۇل ءبىزدىڭ حالىقتى جۇمىسپەن قامتىپ وتىرعان ەڭ ۇلكەن سالا جانە بولاشاقتاعى ەكونوميكالىق ءارتاراپتاندىرۋدىڭ باستى كوزدەرىنىڭ ءبىرى. بىزدە اۋىل شارۋاشىلىعىن دامىتۋ ءۇشىن الەمدەگى ەڭ جاقسى جاعداي قالىپتاسقان. قازاقستاننىڭ اۋىل شارۋاشىلىعى جەرلەرىنىڭ اۋدانى - 215 ميلليون گەكتار. بۇل - الەمدىك رەسۋرستاردىڭ 4 پايىزدان استامى. قازاقستان ءبىر تۇرعىنعا شاققانداعى ەگىستىك القابىنىڭ اۋدانى جونىنەن الەمدە اۆستراليا جانە كانادامەن بىرگە الدىڭعى قاتاردا تۇر. وڭىرلەردىڭ تابيعي- كليماتتىق تۇرعىدان ءارالۋاندىعى مەن توپىراقتىڭ قۇنارلىلىعى بىزگە ءتۇرلى باعىتتاردا - بيداي، كۇرىش، مايلى داقىل جانە جەم- ءشوپ داقىلدارى، ەت جانە ءسۇت وندىرىسىندە باسەكەگە قابىلەتتى بولۋعا مۇمكىندىك بەرەدى. قازاقستان الەمدەگى ءىرى استىق ەكسپورتتاۋشىلارىنىڭ وندىعىنا كىرەدى. ورتالىق ازيا ەلدەرىنە جىل سايىن 6 ميلليون تونناعا دەيىن، ەۋروپالىق وداق ەلدەرىنە 2 ميلليون تونناعا دەيىن استىق ەكسپورتتالادى. جالپى العاندا، قازاقستان ەكسپورتىنىڭ گەوگرافياسى 70 ەلدى قامتيدى»، - دەدى ەلباسى.
تىكەلەي ءبىزدىڭ ەلدە جۇمىس ىستەپ جاتقان ساراپشىلار مەن ينۆەستورلاردىڭ بەرگەن باعاسى بويىنشا، بۇگىندە قازاقستاندا ينۆەستيتسيا ءۇشىن وڭىردەگى ەڭ جاقسى جاعداي جاسالعان. باسىمدىعى بار سالالارداعى ينۆەستورلار 10 جىلعا دەيىن كورپوراتيۆتىك تابىس سالىعى مەن جەر سالىعىن، 8 جىلعا دەيىن مۇلىك سالىعىن تولەۋدەن بوساتىلدى.
ينۆەستورلار ءۇشىن سالىق زاڭناماسىنىڭ تۇراقتىلىعىنا كەپىلدىك بەرىلىپ وتىر. بۇدان بولەك، مەملەكەت نىساندار پايدالانۋعا بەرىلگەننەن كەيىن كۇردەلى شىعىندار ءۇشىن 30 پايىزعا دەيىن وتەماقى تولەۋگە شەشىم قابىلدادى.
«سونداي-اق ءبىز اشىق ەڭبەك نارىعىن قالىپتاستىرۋدى كوزدەپ وتىرمىز. ينۆەستورلاردىڭ جوبا ىسكە اسىرىلاتىن بارلىق كەزەڭ ىشىندە جانە نىسان پايدالانۋعا بەرىلگەننەن كەيىن ءبىر جىل وتكەنشە قاندايدا ءبىر كۆوتا مەن رۇقساتتاماسىز شەتەلدىك جۇمىس كۇشىن تارتۋعا مۇمكىندىگى بار. وسى ارتىقشىلىقتاردىڭ بارلىعى تولىق كۇيىندە اگروونەركاسىپ سەكتورىنا دا قاتىستى. مەنىڭ ويىمشا، الەمدە ينۆەستورلار ءۇشىن مۇنداي مۇمكىندىكتەر ۇسىناتىن ەلدەر كوپ ەمەس»، - دەپ اتاپ ءوتتى پرەزيدەنت.
مەملەكەت باسشىسى وسى سالادا باستى ماقسات - اۋىل شارۋاشىلىعى ءوندىرىسىن تيىمدىلىگى جوعارى، ءارتاراپتاندىرىلعان جانە ەكسپورتقا باعدارلانعان وڭدەۋ سەكتورىنا ارنالعان بازا رەتىندە دامىتۋ ەكەنىن قاداپ ايتتى. بۇل تۇرعىدا ەت جانە ءسۇت ءوندىرۋ باعىتى بويىنشا ەلىمىز ساپالى ءارى ەكولوگيالىق تۇرعىدان تازا ءونىم جەتكىزۋشى رەتىندە الەمدىك جەتەكشى كومپانيالارمەن ستراتەگيالىق سەرىكتەستىك ارقىلى ءۇش جىلدا ىشكى جانە ەكسپورتتىق نارىقتاردا ەلەۋلى ورىن الۋ مىندەتىن العا قويىپ وتىر.
«بۇگىندە دامىعان ەلدەردە فەرمەرلىك شارۋاشىلىقتار مونيتورينگ، زەرتتەۋ جۇرگىزەتىن جانە پراكتيكالىق ۇسىنىمدار ازىرلەيتىن عىلىمي- زەرتتەۋ ينستيتۋتتارىنا بەكىتىلىپ بەرىلگەن. بۇل فەرمەرگە ونىمدىلىكتى ارتتىرىپ، جاڭا تەحنولوگيالار ەنگىزۋ ءۇشىن زور مۇمكىندىك بەرەدى.
قازىرگى كەزدە ءبىز عىلىم جانە ءبىلىم بەرۋ ينفراقۇرىلىمىن جاقسارتۋ جۇمىستارىن جۇرگىزىپ جاتىرمىز. ەلىمىزدەگى ءۇش ءىرى اگرارلىق ۋنيۆەرسيتەت ءبىرىڭعاي عىلىمي ءبىلىم بەرۋ ورتالىعىن قۇرۋ ءۇشىن بىرىكتىرىلەدى. قولدانبالى عىلىمدى دامىتۋ، كادر دايارلاۋ جانە زاماناۋي تەحنولوگيالار ەنگىزۋ ماسەلەلەرىن شەشۋ وسى ورتالىقتىڭ مىندەتى بولادى. الداعى بەس جىلدا اگرارلىق سالا بويىنشا قازاقستاندا الدىڭعى قاتارلى وڭىرلىك زەرتتەۋ جانە ءبىلىم بەرۋ ورتالىعىن قۇرۋ ءۇشىن ۇزدىك حالىقارالىق سەرىكتەستەردى تارتۋ نيەتىندەمىز»، - دەدى ن. نازاربايەۆ.
ءوز كەزەگىندە ەۋروپالىق قايتا قۇرۋ جانە دامۋ بانكىنىڭ پرەزيدەنتى سەر سۋما چاكرابارتي جاھاندىق ازىق- تۇلىك قاۋىپسىزدىگىندە قازاقستاننىڭ ءرولىن ارتتىرۋدىڭ ماڭىزى زور ەكەنىنە توقتالدى. وسى ورايدا بۇگىندە الەمگە ءالى دە كوپ ازىق- تۇلىك ونىمدەرى قاجەت دەپ ايتقان ول، قازاقستانداعى وسى سالاداعى كومپانيالاردىڭ ونىمدىلىگىن ارتتىرۋعا ەرەكشە ءمان بەرىلۋى كەرەك ەكەنىن جەتكىزدى.
«قازاقستانداعى كومپانيالار ونىمدىلىگىن ارتتىرىپ، حالىقارالىق نارىقتارمەن كوممۋنيكاتسيالاردى جاقسارتىپ، قاجەتتى ينفراقۇرىلىمدى قۇرسا، وندا ساۋدا كولەمىن اۋقىمدى دەڭگەيگە جەتكىزە الادى. اسىرەسە، قازىرگى كەزدەگى گەوساياسي كۇيزەلىس سالدارىنان حالىقارالىق نارىقتاردا الشاقتىق تۋىنداعان كەزدە قازاقستاندىق كومپانيالار ناقتى قادامدار جاساي الادى»، - دەدى سەر سۋما چاكرابارتي.
بۇل تۇرعىدا ول قازاقستان الەمدە ەڭ جاقسى بيدايدى ءوسىرىپ جاتقاندىعىن، بۇل ءوز كەزەگىندە وڭىردەگى وزگە ەكسپورتشىلار الدىندا باسەكەلەستىك باسىمدىق بەرەتىندىگىن اتاپ ءوتتى.
«اۋىل شارۋاشىلىعى سالاسىنا وزگەرىستەر قاجەت. بۇل تۇرعىدا جاڭا تەحنولوگيالار، جاڭا كاپيتالدار، بەلسەندى كاسىپكەرلەر كەرەك. اۋىل شارۋاشىلىعى قازاقستان ءۇشىن قازىرگى كەزدەگىدەن ايتارلىقتاي كوپ كىرىستى شىعارىپ، مۇناي باعاسىنا بايلانىستى تۋىنداعان قۇبىلىستاردان ساقتاندىرۋعا قاۋقارلى بولۋى ءتيىس. ەۋروپالىق قايتا قۇرۋ جانە دامۋ بانكى قازاقستاندا اۋىل شارۋاشىلىعى سالاسىندا جۇمىس ىستەيتىن بولادى. ءبىز بۇل باعىتقا قارجىلىق سەكتوردى تارتقىمىز كەلەدى»، - دەدى بانك باسشىسى.
ونىڭ سوزىنە قاراعاندا، ق ر ۇكىمەتىنىڭ قولداۋىنىڭ ارقاسىندا ەۋروپالىق قايتا قۇرۋ جانە دامۋ بانكى اگروبيزنەس ءۇشىن جاڭا باعدارلامانى قوسۋعا نيەتتى. سونىمەن قاتار فەرمەرلەر ءۇشىن يننوۆاتسيالىق باعدارلامالار ىسكە قوسىلماق.
ۇكىمەت مۇنايدى ءتيىمدى ءوندىرۋ ماقساتىندا جەر قويناۋىن پايدالانۋشىلاردى ىنتالاندىرادى
وسى اپتانىڭ باسىندا مۇناي- گاز سەكتورىن دامىتۋ ماسەلەسىنە ارنالعان ماجىلىستەگى پارلامەنتتىك تىڭداۋدا ق ر پرەمەر-ءمينيسترىنىڭ ءبىرىنشى ورىنباسارى باقىتجان ساعىنتايەۆ قاراشىعاناق جوباسىن كەڭەيتۋ اياسىندا ۇكىمەت كەن ورنىندا گازدى ءوندىرۋ كولەمىن ارتتىرۋ مۇمكىندىگىن جانە سۇيىق كومىرسۋتەكتەردى قايتا وڭدەۋ بويىنشا جاڭا تەحنولوگيالىق جەلىنىڭ قۇرىلىسىن قاراستىرىپ جاتقاندىعىن اتاپ ءوتتى.
«ول ءۇشىن بۇگىندە تۇجىرىمداما ازىرلەندى، سونداي-اق ءتيىستى زەرتتەۋ شارالارى ىسكە اسىرىلۋدا. جوبانى ىسكە قوسۋ 2022 -جىلعا جوسپارلانىپ وتىر. الايدا، اتاپ وتكەن ءىرى جوبالاردان باسقالارى، ياعني قازاقستاندىق كەن ورىندارىنىڭ جارتىسىنان استامى بۇگىنگى تاڭدا ءوندىرۋدىڭ شارىقتاۋ شەگىنەن ءوتىپ، ەندى ءوندىرۋدىڭ تومەن دەڭگەيىنە ءتۇستى»، - دەدى ب. ساعىنتايەۆ.
ونىڭ سوزىنە قاراعاندا، جىل سوڭىنا دەيىن ەلىمىزدىڭ كەن ورىندارىندا مۇنايدى ءتيىمدى ءوندىرۋدى ارتتىرۋ بويىنشا جوبانى ىسكە اسىرۋدىڭ جاعدايى، جوسپارلارى جانە بولجامى تۇرعىسىندا ساراپتامالىق تالداۋ جۇرگىزىلمەك. وسى ورايدا ۇكىمەت مۇنايدى ءتيىمدى ءوندىرۋدىڭ دەڭگەيىن ارتتىرۋ ماقساتىندا جەر قويناۋىن پايدالانۋشىلاردى ىنتالاندىرۋدىڭ ناقتى شارالارىن قابىلداۋدى كوزدەپ وتىر.
بۇدان بولەك پارلامەنتتىك تىڭداۋدا كوپتەن بەرى تالقىلانىپ كەلە جاتقان ءتورتىنشى مۇناي وڭدەۋ زاۋىتى تاقىرىبى دا نازاردان تىس قالمادى. ۇكىمەت بۇگىندە مەملەكەت باسشىسىنىڭ تاپسىرماسى بويىنشا ەلىمىزدەگى ءتورتىنشى مۇناي وڭدەۋ زاۋىتىنىڭ قۇرىلىسىنا بايلانىستى ماسەلەنى بەلسەندى قاراستىرىپ وتىرعان كورىنەدى.
«تەحنيكالىق ەكونوميكالىق پارامەترلەر ايقىندالۋدا، سونداي-اق بيىل تەحنيكالىق- ەكونوميكالىق نەگىزدەمەنى ازىرلەۋ باعىتىندا جۇمىستار جۇرگىزىلۋدە»، - دەدى باقىتجان ساعىنتايەۆ.
ءوز كەزەگىندە قر ەنەرگەتيكا ءمينيسترى ۆلاديمير شكولنيك قازاقستاندا كاسپيي ماڭى ويپاتىنداعى كومىرسۋتەك رەسۋرستارىن يگەرۋ بويىنشا «ەۋرازيا» جوباسىن جۇزەگە اسىرۋ باستالعانىنا توقتالدى.
«الدىڭعى قاتارلى الەمدىك ساراپشىلار جۇرگىزگەن زەرتتەۋلەردىڭ نەگىزىندە كاسپيي ماڭى ويپاتىندا اۋقىمدى كولەمدەگى كومىرسۋتەكتەر قورى بولجانىپ وتىر، ياعني ونىڭ كولەمى 60 ملرد. توننا مۇنايعا باعالاندى»، - دەدى ۆ. شكولنيك.
ونىڭ سوزىنە قاراعاندا، جۇزەگە اسىرۋى باستالعان «ەۋرازيا» جوباسى اياسىندا يننوۆاتسيالىق گەولوگيالىق تەحنولوگيالاردى پايدالانۋ جانە 15 شاقىرىمعا دەيىنگى تەرەڭ ۇڭعىمانى بۇرعىلاۋ قاراستىرىلىپ وتىر. وسى جوباعا ءبىرقاتار الەمدىك مۇناي-گاز كومپانيالارى قىزىعۋشىلىق تانىتقان ەكەن. قازىرگى كەزدە كونسورتسيۋم قۇرىلۋدا، سونىمەن قاتار الەۋەتتى ينۆەستورلارعا جەڭىلدىكتەر ۇسىنۋ زەردەلەنۋدە.
ءمينيستردىڭ اتاپ وتۋىنشە، قاشاعان كەن ورنىن يگەرۋ مەن تشو- نى بولاشاقتا دامىتۋ جوباسىن ەسكەرە وتىرىپ، 2031 -جىلعا قاراي مۇنايدى ءوندىرۋدىڭ جوعارى كولەمى 113 ملن. تونناعا جەتپەك. سودان كەيىن 2040-2050 -جىلدارى ءوندىرۋ كولەمىن بىركەلكى تومەندەتۋ قاراستىرىلۋدا.
بۇدان بولەك، پارلامەنتتىك تىڭداۋدا دەپۋتات شاۆحات وتەمىسوۆ مۇناي-گاز سالاسىن دامىتۋدىڭ ۇزاقمەرزىمدى تۇجىرىمداماسىن قابىلداۋ قاجەت ەكەنىن العا تارتتى.
«قازاقستاننىڭ مۇناي- گاز سالاسى تۋرالى ايتار بولساق، مۇناي- گاز سالاسىن دامىتۋدىڭ ۇزاق مەرزىمدى تۇجىرىمداماسىنىڭ جوق ەكەنى، سونداي-اق 2014-2018 -جىلدارعا ارنالعان مۇناي- گاز سالاسىن دامىتۋ جونىندەگى كەشەندى جوسپارىنىڭ «نۇرلى جول» باعدارلاماسىنان بۇرىن قابىلدانعاندىقتان وندا كوپتەگەن اۋقىمدى ماقساتتار مەن مىندەتتەر ەسكەرىلمەي قالعانى نازار اۋدارارلىق ماسەلە. سونىمەن قاتار، وتاندىق مۇنايسەرۆيستىك كومپانيالاردىڭ ءوز دەڭگەيىندە دامىماي وتىرعانى، زاڭنامادا انىق كورىنىپ تۇرعان ولقىلىقتاردىڭ بولۋى، ال ونىڭ ءىرى مۇناي ءوندىرۋشى كومپانيالارعا قازاقستاندىق قامتۋ جونىندەگى وزدەرىنىڭ كەلىسىمشارت مىندەتتەمەلەرىن فورمالدى تۇردە ورىنداۋىنا مۇمكىندىك بەرەتىنى الاڭداتىپ وتىر»، - دەپ توقتالدى دەپۋتات.
وسىعان بايلانىستى ول مۇناي- گاز سالاسىن دامىتۋدىڭ ۇزاقمەرزىمدى تۇجىرىمداماسىن قابىلداۋ قاجەت ەكەنىن قاداپ ايتتى. ونىڭ سوزىنشە، مۇناي- گاز سالاسىن دامىتۋ جونىندەگى كەشەندى جوسپاردى قايتا قاراپ، ونى ىسكە اسىرۋ كەزەڭىن «نۇرلى جول» باعدارلاماسىنىڭ مەرزىمدەرىنە، ماقساتتارى مەن مىندەتتەرىنە جانە ۇدەمەلى يندۋستريالىق- يننوۆاتسيالىق دامۋ باعدارلاماسىنىڭ ەكىنشى بەسجىلدىعىنا سايكەس كەلتىرۋ ابزال مىندەت بولىپ تابىلادى.
2015 -جىلعى ۇ ب ت باستالدى
ءوتىپ بارا جاتقان بۇل اپتادا ق ر ءبىلىم جانە عىلىم ءمينيسترى اسلان ءسارىنجىپوۆ 2015 -جىلعى ۇ ب ت-نى وتكىزۋ مەن ۇيلەستىرۋ بويىنشا رەسپۋبليكالىق شتابتىڭ جۇمىس كەڭەسىن وتكىزدى. ا. ءسارىنجىپوۆ ۇيلەستىرۋ شتابىنىڭ ۇلتتىق تەستىلەۋگە دايىن ەكەندىكتەرىنە كوز جەتكىزدى. ۇ ب ت-نى وتكىزۋ مەن ۇيلەستىرۋ رەسپۋبليكالىق شتابى ءوز جۇمىسىن 2 -ماۋسىمنان باستاپ 9 -ماۋسىمدى قوسا العاندا جۇمىس ىستەيتىن بولادى. شتاب جۇمىسىنىڭ باستى ماقساتىنا رەسپۋبليكا بويىنشا ۇ ب ت وتكىزۋ مەن اپپەلياتسيا؛ جۇرتشىلىق اراسىندا ۇ ب ت ماسەلەلەرى بويىنشا اقپاراتتىق-ءتۇسىندىرۋ جۇمىستارىن جۇرگىزۋ؛ قوعامدىق ءتارتىپتى ساقتاۋدى، تەستىلەۋگە كىرگىزۋ كەزىندە مەتالل ىزدەگىشتەردى، تەستىلەۋ كەزىندە ۇيالى بايلانىس تەلەفوندارىنىڭ سيگنالدارىن تۇنشىقتىراتىن جانە بەينەباقىلاۋ قۇرالدارىن پايدالانۋدى ۇيىمداستىرۋ؛ تۇلەكتەر مەن اتا- انالاردان كەلىپ تۇسكەن شاعىمداردى ۋاقىتىندا قاراۋ جۇمىستارىن جۇرگىزۋ كىرەدى.
سونىمەن قاتار، ايتا كەتەتىن جايت، ۇبت وتكىزۋ بارىسىندا باسقا دا مەملەكەتتىك ورگاندار قاتىسۋدا. دەنساۋلىق ساقتاۋ جانە الەۋمەتتىك دامۋ مينيسترلىگى ۇبت وتكىزۋ بارىسىندا قاتىسقان ادامدار مەن تۇلەكتەرگە ۋاقتىلى جانە ساپالى مەديتسينالىق كومەك كورسەتۋ جۇمىستارىن جۇرگىزۋدە، ىشكى ىستەر مينيسترلىگى قوعامدىق ءتارتىپ پەن ۇ ب ت بولاتىن بەكەتتەرگە تۇلەكتەردى اكەلەتىن كولىك قۇرالدارىنىڭ قاۋىپسىز قوزعالىسىنا سەپتىگىن تيگىزەدى، ال جەرگىلىكتى اتقارۋشى ورگاندار مەكتەپ تۇلەكتەرىنىڭ ۇبت بولاتىن پۋنكتتەرىنە ءقاۋىپسىز بارىپ- قايتۋىنا جاۋاپتى. ق ر ءبىلىم جانە عىلىم مينيسترلىگى ءوز كەزەگىندە جالپى ۇ ب ت- نىڭ ءوتۋىن قامتاماسىز ەتەدى.
اتاپ ايتقاندا، قازاقستاندا ۇبت- عا 3 كۇندە 56318 تۇلەك قاتىستى. 3 كۇندەگى تەستىلەۋ ناتيجەسى بويىنشا، ورتاشا بالل - 78,4. بۇل كورسەتكىش 2014 -جىلى - 77,1 بال بولعان. 100 بالدان جوعارى ناتيجەنى 3 154 (,4) تۇلەك الدى. 2014 -جىلى - 4 018 (,7) بولعان.
9 تۇلەكتىڭ تەستىلەۋ ناتيجەلەرى جويىلدى. 50 بالدىق شەكتى دەڭگەيدى 3992 تۇلەك ( ,7) ەڭسەرە المادى. 2014 -جىلى - 5 829 ($,2).
ەسكە سالا كەتەيىك، قازاقستاندا ۇلتتىق بىرىڭعاي تەستىلەۋ 2 -ماۋسىمدا باستالدى. وسى جىلى سىناققا 87782 تۇلەك قاتىسۋدا. بۇل - جالپى مەكتەپ بىتىرۋشىلەردىڭ 71 پايىزى. ۇلتتىق تەستىلەۋ ورتالىعىنىڭ مالىمەتتەرى بويىنشا، تەستىدە ءۇش كۇندە 125 بالل جيناعان 4 تۇلەك انىقتالدى: گۇلناز ەردوسوۆا (تاراز)، ريانا مۇستافينا (استانا)، لاۋرا ابدازيموۆا (و ق و، تۇلكىباس اۋدانى) جانە سىمبات سامات (ب ق و).
قازاقستاندىق عارىشكەردىڭ ح ع س- قا ۇشۋ ماسەلەسى تالقىلاندى
بۇل اپتادا ق ر پرەمەر-ءمينيسترىنىڭ ءبىرىنشى ورىنباسارى باقىتجان ساعىنتايەۆ «بايقوڭىر» كەشەنىنىڭ 60 جىلدىعىنا ارنالعان شارالارعا قاتىستى. قازا تاپقان سىناۋشى- جاۋىنگەرلەردىڭ ەسكەرتكىشىنە گۇل شوقتارىن قويعان باقىتجان ساعىنتايەۆ رەسمي شارالارعا قاتىسىپ، قالا تۇرعىندارى مەن بايقوڭىر عارىش ايلاعىنىڭ قىزمەتكەرلەرىن جانە ارداگەرلەردى مەرەيتويمەن قۇتتىقتادى. ب. ساعىنتايەۆ سونىمەن قاتار، ر ف ۇكىمەتى ءتوراعاسىنىڭ ورىنباسارى دميتري روگوزينمەن كەلىسسوزدەر جۇرگىزدى. ولار «بايقوڭىر «كەشەنىنىڭ ارى قاراي دامۋىن، قازاقستاندىق عارىشكەردىڭ حالىقارالىق عارىش ستانساسىنا ۇشۋ تۋرالى ماسەلەنى جانە «بايتەرەك» پەن «دنەپر» باعدارلامالارىنىڭ بولاشاعىن تالقىلادى.
رەسەيلىك ارىپتەسى دميتريي روگوزينمەن كەلىسسوزدەرىنىڭ قورىتىندىلارى بويىنشا بريفينگتە ب. ساعىنتايەۆ ايدىن ايىمبەتوۆتىڭ عارىشقا ۇشۋىنىڭ تەحنيكالىق ماسەلەلەرى شەشىلگەنىن جەتكىزدى. ء«بىز ايتقان ماسەلەنىڭ ءبىرى - جالپى ءبىزدىڭ ازاماتىمىزدىڭ عارىشقا ۇشۋى جايى. نەگىزىندە قازىر مەرزىمدەرى بەلگىلەنەدى، ال تەحنيكالىق جاعى تولىقتاي رەسەيلىك تاراپپەن كەلىسىلدى»، - دەدى ول.
اۆتور: رۋسلان عابباسوۆ