استانادا ورتەلگەن مۇعالىمنىڭ ءتورت بالاسىن ونىڭ اپكەسى اسىراپ الاتىن بولدى
بۇل تۋرالى استانا ءبىلىم باسقارماسىنىڭ قامقورلىققا جانە قامقورشىلىققا الۋ بولىمىندەگىلەر حابارلادى.
«بىزگە №25 -ورتا مەكتەپتەن ءوتىنىش كەلىپ ءتۇستى، وندا ءسادۋوۆانىڭ بالالارىنىڭ اتا-انا قامقورلىعىنسىز قالعانى جازىلعان. ونىڭ ءتورت بالاسى بار. بىرەۋى كامەلەت جاسقا تولعان، ال قالعان ۇشەۋى تولماعان. بىرەۋى №25-مەكتەپتە وقيدى، 2001 -جىلعى، ەكەۋى 2007 جانە 2010 -جىلعى بالالار. بىزگە مۇعالىمنىڭ اپكەسى كومەك سۇراپ بارعانى تۋرالى ءوتىنىش كەلىپ ءتۇستى. ول وتباسىمەن سويلەسىپ، بالالاردى ءوز قامقورلىعىنا الۋعا نيەت ءبىلدىردى، ول قايتىس بولعان ايگۇل قالىمجان قىزىنىڭ تۋعان اپكەسى، ول سولتۇستىك قازاقستان وبلىسىندا تۇرادى. بۇگىن ولار بىزگە كەلىپ كەتتى، ۇلكەن ۇلى مەن تاتەسى بار. ءبىز ولارعا كەڭەس بەردىك، ەندى ولار قۇجات جينايدى»، - دەدى ءبولىمنىڭ باس مامانى ءلاززات ەسمۇحانوۆا.
باس مامان قامقورلىققا الۋ پروتسەدۋراسىنىڭ راسىمدەلۋىن ءتۇسىندىرىپ بەردى. ونىڭ ايتۋىنشا، «نەكە جانە وتباسى تۋرالى» كودەكسكە سايكەس، ورگان قامقورلىققا بەرۋدى ءوتىنىش كەلىپ تۇسكەننەن كەيىن 30 كۇننىڭ ىشىندە راسىمدەۋى ءتيىس. الايدا ونىڭ ايتۋىنشا، قۇجاتتار جينالا سالىسىمەن بۇل ءبولىم راسىمدەۋ پروتسەسىن جىلدامداتادى.
«ولار قامقورلىققا الۋ ءۇشىن قاجەتتى بارلىق قۇجاتتاردى بىزگە الىپ كەلەدى جانە ءبىز اكىمنىڭ قاۋلىسىنا سايكەس قامقورلىققا بەرۋدى بەكىتەمىز، سەبەبى ولار استانا تۇرعىندارى. وسىدان كەيىن بالالاردى ولاردىڭ تۋىستارى سولتۇستىك قازاقستان وبلىسىنا ءبىزدىڭ قۇجاتتارمەن الىپ كەتەدى، ءبىز ولاردى سول جاققا جىبەرەمىز. ولار سول جاقتا تىركەۋگە تۇرىپ، جەڭىلدىكتەرمەن تاعى دا باسقالاردى الادى. (...) ايەل ادام كوز جۇمعاننان كەيىن 3 كۇننىڭ ىشىندە مەكتەپ بىزگە وسى جونىندە حابارلادى. ءبىراق اپكەسى قۇجاتتاردى ءالى وتكىزگەن جوق. ەڭ باستىسى - العاشقى قۇجاتتار بار جانە ولار دايىن دەپ ايتۋعا بولادى. تۋىسقانى مەديتسينالىق تەكسەرۋدەن وتۋگە كەتتى، ەگەر قۇجاتتاردى كەلەسى اپتادا اكەلسە، ءبىز ارينە راسىمدەۋدى جىلدامداتامىز. سەبەبى بۇل بىرەگەي جاعداي»، - دەدى ەسمۇحانوۆا.
ونىڭ ايتۋىنشا، زاڭعا سايكەس، تەك كامەلەت جاسقا تولعانداردىڭ عانا قامقورلىققا وتە الاتىنىنا قاراماستان ورتەلگەن مۇعالىمنىڭ ۇلكەن ۇلى دا س ق و- عا كەتەدى جانە ول تاتەسىنە وزىنەن كەيىنگى بالالاردى تاربيەلەۋگە كومەكتەسەدى. ولار بارلىعى بىرگە تۇرادى. «ول تۇرمىستا، وتباسى بار، دۇنيەسى تۇگەل ادام. تۋىستارى جاقسى، بۇگىن كەلىپ كەتتى. وتباسى جاقسى جانە ءبىز بالالارعا دا ول جاقتا جاقسى بولادى دەپ ويلايمىز. بالالاردىڭ دا بارعىسى كەلىپ وتىر. ۇلكەن ۇلدىڭ ايتۋىنشا، ولار تاتەلەرىن جاقسى بىلەدى، جاقسى كورەدى. بىزگە ول جاقتا جاقسى بولادى دەيدى ول»، - دەدى باس مامان.
ونىڭ ايتۋىنشا، قازا بولعان ايەلدەن جىلجىمايتىن مۇلىك قالعان. «اعاسىنىڭ ايتۋىنشا، ەشقانداي قۇجات قالماعان، ونى اكەلەرى جاعىپ، لاقتىرىپ تاستاپتى، ولار بىلمەيدى. قۇجاتتاردى قالىپقا كەلتىرىپ جاتىر، ءبىراق ءبىز مۇراگەرلىكتىڭ بالالاردىڭ اتىنا جازىلۋىن قاداعالاپ، كومەكتەسەتىن بولامىز»، - دەدى باس مامان.
ەسكە سالا كەتەيىك، 26 -مامىردا استانادا №25 -مەكتەپتىڭ ماڭىندا ەر ادام مۇعالىمدى ورتەپ جىبەرگەن بولاتىن. ەر ادامنىڭ اتى-ءجونى انىقتالدى - ول ايەلدىڭ كۇيەۋى بولىپ شىقتى. سوتتىڭ قاۋلىسى بويىنشا، ول مۇعالىمگە جاقىنداماۋى ءتيىس بولعان. ايەل ادامنىڭ دەنەسىنىڭ 70 پايىزىن كۇيىك شالدى. وقيعانىڭ ءمان-جايىن قۇقىق قورعاۋ ورگاندارىنىڭ قىزمەتكەرلەرى انىقتاپ جاتىر. ال تاياۋدا زارداپ شەككەن ايەلدىڭ قايتىس بولعانى انىقتالدى.