دەنساۋلىق: كەڭسەدەگى تابيعاتتىڭ اسەم ءۇنى ادامدى سەرگىتىپ، قابىلەتىن اشا تۇسەدى

 استانا. قازاقپارات - ءۇندىستان عالىمدارىنىڭ زەرتتەۋىنشە، ەگەر كەڭسەدە تابيعات دىبىستارى شىعىپ تۇرسا، قىزمەتكەرلەردىڭ كوڭىل- كۇيى كوتەرىلىپ، ەڭبەك ونىمدىلىگى ارتا تۇسەدى،

دەپ جازادى «روس بالت».

 «The Hindustan Times» باسىلىمىنىڭ جازۋىنشا، وسى ماقساتتا عالىمدار ارنايى عىلىمي زەرتتەۋ جۇمىسىن جۇرگىزگەن.

وندا كەڭسە قىزمەتكەرلەرىنىڭ جارتىسىنىڭ كومپيۋتەر مونيتورىنا قوڭىراۋ شالۋ، گۇبىر- گۇبىر اڭگىمە، كەڭسە تەحنيكاسىنىڭ تىرسىلى سەكىلدى دىبىستار ەنگىزەدى دە، جارتىسىنا تابيعاتتىڭ اسەم داۋىسىن، سۋدىڭ سىڭعىرىن، جاپىراقتىڭ سىبدىرىن، قۇستاردىڭ سايراعان ءۇنىن شىعارىپ قويادى.

ناتيجەسىندە، تاۋداعى وزەننەن اققان سىلدىرلاعان سۋ سىڭعىرى جۇمىسقا بوگەت كەلتىرمەيتىنى، ءتىپتى، ول وزگە ايقاي- شۋعا كوڭىل اۋدارماي، ويدى جيناقتاۋعا جاقسى اسەر ەتكەنى انىقتالادى. وسىدان كەيىن، كەڭسەدە ورنالاسقان اۋديوجۇيە ارقىلى وسى سىندى تابيعي دىبىستاردى ويناتۋعا كەڭەس بەرىلەدى. زەرتتەۋ كورسەتكەندەي، تابيعات ءۇنى ادامدارعا تەك وڭ اسەر ەتىپ، ەڭبەك ونىمدىلىگىن ارتتىرادى. ساراپشىلار مۇنداي ءتاسىلدى كەڭسەدە عانا ەمەس، اۋرۋحانالاردا دا پايدالانۋعا بولاتىنىن ايتادى.