الەمگە تانىمال كومپانيالار نازاربايەۆ ۋنيۆەرسيتەتى اۋماعىندا كورپوراتيۆتىك ورتالىقتار قۇرادى

استانا. قازاقپارات - «نازاربايەۆ ۋنيۆەرسيتەتى» زياتكەرلىك يننوۆاتسيالىق كلاستەرىنىڭ اۋماعىندا General Electric, Microsoft, Intel جانە باسقا دا الەمدىك تانىمال كومپانيالار كورپوراتيۆتىك ورتالىقتارىن ورنالاستىرادى.

بۇل تۋرالى بۇگىن ق ر پرەزيدەنتى جانىنداعى شەتەلدىك ينۆەستورلار كەڭەسىنىڭ ХХVIII  پلەنارلىق وتىرىسىندا ق ر ينۆەستيتسيالار جانە دامۋ ءمينيسترى اسەت يسەكەشەۆ ءمالىم ەتتى.

ونىڭ سوزىنە قاراعاندا، «استانا بيزنەس كامپۋس» عىلىمي ساياباعى اۋماعىنا الەمدىك دەڭگەيدەگى جوعارى تەحنولوگيالىق كومپانيالاردى تارتۋ ماقساتىندا 90 نان استام كومپانيالارمەن كەلىسسوزدەر جۇرگىزىلىپ، التاۋىمەن مەموراندۋمدارعا قول قويىلدى.

ولاردىڭ اراسىندا General Electric, Microsoft, Intel, Hewlett-Packard, Samsung جانە Huawei بار.

«كومپانيالار «نازاربايەۆ ۋنيۆەرسيتەتى» زياتكەرلىك يننوۆاتسيالىق كلاستەرىنىڭ اۋماعىندا كورپوراتيۆتى ورتالىقتاردى قۇرۋدى جوسپارلاپ وتىر»، - دەدى ءا. يسەكەشەۆ.

اۆتور: رۋسلان عابباسوۆ