ا ق ش اۋەجايلارى قاۋىپسىزدىككە قاتىستى قۇپيا تەكسەرۋدەن وتپەي قالدى

استانا. قازاقپارات - ا ق ش اۋەجايلارىنىڭ قاۋىپسىزدىگى سىن كوتەرمەيدى. بۇل قۇپيا وتكىزىلگەن تەكسەرىستەن كەيىن بەلگىلى بولدى.

ۇشاققا قارۋ-جاراق پەن جارىلعىش زاتتار الىپ ءوتۋدىڭ 70 جاعدايىنىڭ 67 ءسى ەش كەدەرگىسىز جۇزەگە اسقان.

وسى ىسكە باستاماشى بولعانداردىڭ ءبىرى ا ق ش- تىڭ ۇلتتىق قاۋىپسىزدىك ءمينيسترى دجەي دجونسوننىڭ ايتۋىنشا، تەكسەرۋلەر ەلدىڭ ونداعان اۋەجايىندا بولعان. ەندى ا ق ش بيلىگى جولاۋشىلاردى تەكسەرۋ جۇيەسىن كۇشەيتپەك.

دجوش ەرنەست، اق ءۇيدىڭ وكىلى:

- اۋەجايلاردا جۇرگىزىلگەن تەكسەرۋ ناتيجەسىنە قاراماستان، پرەزيدەنت ا ق ش- تاعى ۇشۋ قىزمەتىنىڭ قاۋىپسىزدىك دەڭگەيى كوڭىلدەن شىعادى دەگەن سەنىمدە. ءيا، ءبىز ناقتى پروبلەمالاردىڭ بارىن انىقتادىق، ەندى ولاردى شەشۋ ءۇشىن جۇمىس ىستەمەكپىز. امەريكالىقتاردىڭ الاڭداۋىنا نەگىز جوق.

www.24.kz