مارات ءازىلحانوۆ: «يسلام مەملەكەتى» دەگەن اتاۋدى قولدانباعانىمىز ءجون
08:32, 04 - ماۋسىم 2015
استانا. قازاقپارات - «قازمەديا»ورتالىعىندا الەمدىك جانە ءداستۇرلى ءدىن ليدەرلەرىنىڭ بەسىنشى سەزدى قارساڭىندا وتكەن بريفينگتە ق ر مادەنيەت جانە سپورت ۆيتسە-ءمينيسترى مارات الماس ۇلى «اتىشۋلى «ي ش ي ر»-گە قاتىستى اڭگىمە ايتىلعاندا سودىرلاردىڭ وزدەرى جاريالاعان «يسلام مەملەكەتى» اتاۋىنىڭ قولدانىلماعانى ءجون» دەگەن پىكىرىن ءبىلدىردى.
جۋرناليستەر تاراپىنان بەرىلگەن «يسلام مەملەكەتى» توبىنىڭ بۇگىنگى ارەكەتى V سەزد وتىرىستارىندا قارالا ما؟ «دەگەن سۇراققا، «بۇگىنگى كۇننىڭ ەڭ وزەكتى ماسەلەسىن ءبىزدىڭ سيەزد قاتىسۋشىلارى اينالىپ وتپەيدى» دەپ جاۋاپ بەرگەن مارات ءازىلحانوۆ ءسوزىن بىلاي تۇيىندەدى: «مىنا «يسلام مەملەكەتى» دەگەن ءسوزدى قولدانۋدا اباي بولىڭىزدار.
شەت مەملەكەتتەردىڭ كوپشىلىگى وسى اتاۋعا بايلانىستى ءپاتۋا ايتىپ، ونى قولدانباۋ تۋرالى شەشىم شىعارۋدا. ءبىزدىڭ دە «ي ش ي ر»، «ي س ي م» دەگەن سياقتى قىسقارتىلعان اتاۋمەن اتاعانىمىز ءجون بولار».
E-islam.kz