رەسەي ءۇش جىل بويى ىزدەگەن قىلمىسكەرىن كوكشەتاۋدان تاپتى
باسپا ءسوز قىزمەتىنىڭ مالىمەتىنشە، رەسەيدىڭ 48 جاستاعى ازاماتى، سولتۇستىك قازاقستان وبلىسىنىڭ تۋماسىنا رەسەيدىڭ ءى ءى م ومبى قالاسى بويىنشا باسقارماسى 2012 -جىلى ىزدەۋ جاريالاعان.
«ەر ادام 2012 -جىلى قازان ايىندا قىلمىس جاساپ، ر ف ق ك 161-بابى 2-بولىگى «توناۋ» بويىنشا ىزدەۋدە بولعان. ءۇش جىل بويى رەسەيلىك پوليتسەيلەر ونى ىزدەستىرۋ جۇمىستارىن جۇرگىزدى»، - دەلىنگەن ءى ءى د حابارلاماسىندا.
ايتا كەتەيىك، ۇستالعان ازامات كوكشەتاۋ قالالىق ءى ءى ب ۋاقىتشا ۇستاۋ يزولياتورىنا قامالدى، وعان ىزدەۋ جاريالاعاندارعا حابار بەرىلدى، ەندى ونى رەسەيگە ەكستراديتسيالاۋ ماسەلەسى قارالىپ جاتىر.
ەسكە سالا كەتەيىك، وسىدان تۋرا ءبىر جىل بۇرىن رەسەي ىزدەۋ جاريالاعان الاياق 17 جىلدان كەيىن قازاقستاندا ۇستالعان بولاتىن. پوليتسيا قىزمەتكەرلەرى انىقتاعانداي، ىزدەۋدە جۇرگەن ازامات 17 جىل بۇرىن ر ف قىلمىستىق كودەكسىنىڭ 159-بابى 3-تارماعى بويىنشا (الاياقتىق) قىلمىس جاساپ، ءۇش ۆاگون بالىقتى يەمدەنىپ كەتكەن. وسىنداي قوماقتى تاۋارمەن بىرگە ول ەلدەن عايىپ بولىپ، وسى ۋاقىتقا دەيىن تەمىرتاۋ قالاسىندا تۇرعان جانە قۇرىلىسپەن، ءۇي جوندەۋمەن اينالىسقان.