ن. نازاربايەۆ «كامەكو» پرەزيدەنتىمەن قازاقستاندا ۋران ءوندىرۋ سالاسىنىڭ پەرسپەكتيۆاسىن تالقىلادى
14:58, 03 - ماۋسىم 2015
استانا. قازاقپارات - مەملەكەت باسشىسى نۇرسۇلتان نازاربايەۆ شەتەلدىك ينۆەستورلار كەڭەسىنىڭ 28- وتىرىسىنا قاتىسۋ ءۇشىن كەلگەن «كامەكو» باس باسقارۋشى ديرەكتورى جانە پرەزيدەنتى تيمو گەتتسەلمەن كەزدەستى، دەپ حابارلادى اقوردانىڭ باسپا ءسوز قىزمەتىنەن.
كەزدەسۋدە تاراپتار قازاقستاندا ۋران ءوڭدىرۋ سالاسىن دامىتۋ پەرسپەكتيۆالارىن تالقىلادى.
سونداي-اق، ق ر پرەزيدەنتى ت. گەتتسەلگە كەڭەس جۇمىسىنا قاتىسقانى ءۇشىن العىس ءبىلدىردى.
- «كامەكو» كومپانياسى قىزمەتىنىڭ قازاقستاندا ءوز تاريحى بار. 1996-جىلدان باستاپ، كومپانيا جۇمىسىن ينكاي كەن ورنىنان باستادى. وسى ۋاقىت ىشىندە بۇل تابىستى جوبالاردىڭ بىرىنە اينالدى. سوندىقتان، بەيبىت اتوم يگەرۋ سالاسىندا سىزدەرمەن ىنتىماقتاستىقتى جالعاستىرعىمىز كەلەدى. وسى بولىكتە كەلىسىمگە قول قويۋ ءبىزدىڭ ەل ءۇشىن دە، ءسىزدىڭ كورپوراتسيا ءۇشىن دە پايدالى بولادى دەگەن سەنىمدەمىن ، - دەدى نۇرسۇلتان نازاربايەۆ.
ءوز كەزەگىندە، ت. گەتتسەل «كامەكو» مەن «قازاتوم ونەركاسىپ» ۇ ا ك» ا ق» كومپانيالارى اراسىندا ىنتىماقتاستىقتى نىعايتۋ ماڭىزدىلىعىن اتاپ ءوتتى.