ەۋروپا ەلدەرىنىڭ ەڭ باقىتتى تۇرعىندارى انىقتالدى

استانا. قازاقپارات - شۆەيساريا، يسلانديا، شۆەتسيا، فينليانديا جانە دانيا ەلدەرىنىڭ تۇرعىندارى وزدەرىن باقىتتى سانايتىندىقتارى انىقتالدى.

مۇنداي دەرەكتەردى ەۋروستات اگەنتتىگىنىڭ «Quality life in Europe - facts and views» زەرتتەۋى جاريالادى.

 ەۋروپالىقتاردىڭ ومىرگە كوڭىل تولۋشىلىعى بىرنەشە كاتەگوريالار بويىنشا باعالاندى: ماتەريالدىق قامسىزدىق، ەڭبەكپەن قامتىلۋ، دەنساۋلىق، ءبىلىم بەرۋ، بوس ۋاقىتتى وتكىزۋ، ەكونوميكالىق جانە فيزيكالىق قاۋىپسىزدىك، قۇقىق، قورشاعان تابيعي ورتا.

ەۋرووداقتىڭ كوپتەگەن تۇرعىندارى جەكە باس قارىم- قاتىناستارىنا كوڭىلدەرى تولاتىندىعىن ايتقان. بۇل تىزىمگە تەك بەلگيا، فينليانديا، بولگاريا جانە شۆەتسيا كىرگەن جوق. بارلىق دەرلىك ەلدەردىڭ حالقى قارجىلىق جاعداي كوڭىلدەرىن كونشىتپەيتىنىن العا تارتتى. ال بوس ۋاقىتتىڭ ءوتۋى بولگاريا، كيپر، گرەكيا، حورۆاتيا، ۆەنگريا، پورتۋگاليا، سلوۆاكيا، يتاليا مەن لاتۆيادان وزگە جەرلەردە ءىش پىستىرارلىق اتالعان. جەكە باس قارىم- قاتىناستارىنا بارىنشا ريزا ەكەندىكتەرىن بىلدىرگەن يرلانديا، دانيا، اۆستريا جانە مالتا حالقى ەۋروپانىڭ ەڭ باقىتتى تۇرعىندارى اتاندى، دەپ جازادى prian.ru.