ق ر ق ك اسكەري قىزمەتشىلەرى قورىتىندى تەكسەرىس بويىنشا شەبەرلىكتەرىن كورسەتتى
ق ر قورعانىس مينيسترلىگى باسپا ءسوز قىزمەتىنىڭ مالىمەتىنشە، بولىمدەردىڭ جەكە قۇرامدارى بارلىق پاندەر بويىنشا جاۋىنگەرلىك جانە كاسىبي دايارلىقتى تەكسەردى. اسكەري قىزمەتشىلەر قارۋدان اتىس دايارلىعى بويىنشا ءوز شەبەرلىگىن كورسەتىپ، ب م پ- دان اسكەري اتىس بويىنشا تاكتيكالىق ءىس-قيمىلدى پىسىقتادى.
تەكسەرۋدىڭ باستى ماقساتى - جاۋىنگەرلىك مىندەتتەردى بەلسەندى ءىس-قيمىلدا جانە ءساتتى ورىنداۋ كەزىندەگى اسكەري قىزمەتشىلەر مەن بولىمشەلەردىڭ دايارلىعى مەن مۇمكىندىكتەرىن ايقىنداۋ بولدى.
«وڭتۇستىك» وڭىرلىك قولباسشىلىعىنا قاراستى 35748، 74884 جانە 32039 اسكەري بولىمدەرىنىڭ اسكەري قىزمەتشىلەرى جەكە قۇرامنىڭ كاسىبي دايارلىعىن، ونىڭ دەنە توزىمدىلىگىن، ەكيپاجداردىڭ، ەسەپ توپتاردىڭ جانە بولىمشەلەردىڭ جيناقىلىعىن كورسەتتى. جاۋىنگەرلەر ا ك-74 قارۋىنان وق اتۋدى مەڭگەرىپ، كۇندىزگى جانە تۇنگى ۋاقىتتا ۇرىس تاكتيكالىق ءىس-قيمىلدى پىسىقتادى.
«شىعىس» وڭىرلىك قولباسشىلىعىنداعى 27943 اسكەري ءبولىمىنىڭ جەكە قۇرامى ا ك-74 تەن 4-باقىلاۋ اتىس جاتتىعۋىن، جاپپاي قىرىپ-جويۋ قارۋىنان قورعانۋدان اتىس دايارلىعىن كورسەتىپ، سونداي-اق دەنە دايارلىعى مەن مەملەكەتتىك-قۇقىقتىق تەستىلەۋدەن ءوتتى. بۇدان وزگە اسكەريلەر ب م پ-2 قارۋلانعان كەزدەگى بولىمشەنىڭ اسكەري جيناقىلىعىن كورسەتتى. تەكسەرۋ قورىتىندىلارى بويىنشا 27943 اسكەري ءبولىمىنىڭ مايورى اسەت ساليحوۆ، اعا سەرجانت روديون مينحازيەۆ، كاپيتان رۋسلان سارتايەۆ، اعا لەيتەنانت الىشەر تابىلديەۆ جانە 3-سىنىپتى سەرجانت ايدىن يمانعاليەۆ ۇزدىك شىقتى.
اتالعان تەكسەرۋ 2015-جىلدىڭ ءبىرىنشى جارتىجىلدىعىنىڭ قىسقى وقىتۋ كەزەڭى بويىنشا وتكىزىلگەن بولاتىن. ەكىنشى قورىتىندى تەكسەرۋدە ءاربىر جاۋىنگەردىڭ مىندەتى ۇيىمداسقان جانە جيناقى ءىس-قيمىل، ۇزدىك دەنە دايارلىعى، سونداي-اق، ۇتقىر جانە تاكتيكالىق دايارلىقتان جوعارعى ناتيجەلەر كورسەتۋ بولىپ تابىلادى.