قىتاي پيونەرلەرىنىڭ جاڭارتىلعان ءانۇرانى ءبىر كۇننىڭ ىشىندە ينتەرنەت حيتىنا اينالدى - كەسكىن

استانا. قازاقپارات - قىتايلىق پيونەرلەردىڭ «ءبىز - كوممۋنيزم مۇراگەرلەرى» ءانۇرانىنىڭ جاڭارتىلعان نۇسقاسى ەلدە ينتەرنەت حيتقا اينالدى، دەپ حابارلايدى روسبالت.

تانىمال ءاننىڭ جاڭارتىلعان نۇسقاسى 1- ماۋسىم - بالالاردى قورعاۋ كۇنى قارساڭىندا ۇسىنىلعان.

«بۇل بەينەدە بارلىعى: ۇشقىشسىز ۇشاقتار، گيمناسشىلار، قىزىل گالستۋكتەر جانە ياو مين (اتاقتى قىتايلىق باسكەتبولشى)، قىتايدا ەرەكشە تانىمال TFBOYS جاستار توبى، قىتاي حالىقتىق-ازات ەتۋ ارمياسىنىڭ گەنەرالى چي حاوتيان، سونداي-اق مىڭداعان ساپ تۇزەپ ءجۇرىپ بارا جاتقان بالالار بار»، - دەپ جازادى The Wall Street Journal.

1- ماۋسىمدا كەشكە قاراي روليك ق ح ر- دا تانىمال Weibo الەۋمەتتىك جەلىسىندە 140 مىڭ رەتۆيت جيناپ، جەلىنىڭ قىتايلىق سەگمەنتى ۇزدىكتەرىنىڭ قاتارىنا ىلىكتى.

قىتايدا پيونەرلەرى ۇيىمى 1949-جىلى قۇرىلعان. قازىرگى كەزدە ونىڭ قۇرامىندا 150 ميلليونعا جۋىق بالا بار.