ءۇندىستاندا سەكتانتتار تاساتتىققا ەر ادامدى شالعان
تحەپا كحاريا ەسىمدى ەر ادامنىڭ باسى كەسىلگەن دەنەسى ەلدىڭ شىعىسىندا ورنالاسقان دجاركحاند شتاتىنداعى ۇيىنەن تابىلعان.
پوليتسيانىڭ مالىمەتىنە قاراعاندا، ونى 31 - مامىر كۇنى ولتىرگەن. ال تۋىستارى بولسا ونى «وركا» نەمەسە «مۋدكاتۆا» سەكتالارىنىڭ وكىلدەرى جاسادى دەپ وتىر. وسى سەكتاداعىلاردىڭ نانىم- سەنىمدەرى بويىنشا ەگىستىككە ادامنىڭ باسىن كومسە، سول جىلى جاۋىن- شاشىن بولىپ، استىق مول تۇسەدى- مىس.
شەتەلدىك ب ا ق- تىڭ جازۋىنشا، ەر ادام جالعىز تۇرعان. تاڭەرتەڭ ول ادەتتەگىدەي بازارعا كەلمەگەندىكتەن، كورشىلەرى الاڭداي باستايدى. ەر ادامنىڭ ۇيىنە كەلگەن ولار ەدەندە باسسىز جاتقان دەنەنى كورگەن. ەندى پوليتسيا وقيعانى تەرگەۋگە كىرىستى.
ءۇندىستاندا بۇنداي وقيعالار جىل سايىن كەزدەسىپ تۇرادى. 2012 - جىلى لوحارداگ قالاسىنىڭ تۇرعىنى قۇرباندىققا ءوز ايەلىن شالعان بولاتىن، ال 2013 - جىلى گۋملا وكرۋگىنىڭ تۇرعىندارى سەكتانتتاردان باسى كەسىلگەلى جاتقان قىزدى قۇتقارىپ قالعان ەدى. الدىن الا مالىمەت بويىنشا، سەكتانتتار ەكى اپتا بويى ءۇندىستاندا قايتپاي تۇرعان اپتاپ ىستىققا بايلانىستى بۇل تاساتتىقتى جاساۋى مۇمكىن دەپ بولجانىپ وتىر. ەستەرىڭىزگە سالا كەتەيىك، ءۇندىستانداعى ىستىقتان 2 مىڭنان استام ادام كوز جۇمدى.