شىمكەنتتىك بالالاردىڭ تۋىندىلارى استاناداعى كورمەگە قويىلدى - فوتو
كورمەدە يۋنەسكو كلۋبى - بالالار كوركەمسۋرەت مەكتەبى، شىمكەنت قالاسى جالپى ءبىلىم بەرۋ مەكتەپتەرىنىڭ جانە قوسىمشا ءبىلىم بەرۋ ۇيىمدارى پەداگوگتارىنىڭ تۋىندىلارى مەن تاربيەلەنۋشىلەرىنىڭ ديپلومدىق جۇمىستارى كورسەتىلدى.
بارلىعى جۇزدەن اسا ەڭبەك قويىلدى.
«بۇگىن ءبىز داستۇرگە اينالعان بالالار شىعارماشىلىعىن ۇيىمداستىرۋدامىز، مۇنى ءاردايىم بالالاردى قورعاۋ كۇنى قارساڭىندا نەمەسە ونى اتاپ ءوتۋ كەزدەرىندە وتكىزەمىز. بالالار شىعارماشىلىعىن ءار قىرىنان كورسەتكىمىز كەلەدى. بالالاردى قورعاۋ دەگەن تۇسىنىكتىڭ ءوزى ولاردىڭ شىعارماشىلىققا، ءوز سەزىمدەرىن، ەموتسيالارىن ءبىلدىرۋ ەركىندىگىنە قۇقىقتارىن قورعاۋدى، ەڭ باستىسى، قالىپتاسىپ كەلە جاتقان تۇلعا رەتىندە قورشاعان ورتانى دەربەس سەزىنۋ قۇقىعىن قورعاۋدى قامتيدى»، - دەدى مۇراجاي ديرەكتورىنىڭ ورىنباسارى كۇلايشا اقتايەۆا.
سونداي-اق ول كورمەنىڭ 6 -شىلدەگە دەيىن جۇمىس ىستەيتىنىن اتاپ ءوتتى.
«مۇراجايعا كەلۋشىلەر قالا كۇنىنە دەيىن كورمەنى تاماشالاي الادى. بالالار شىعارماشىلىعىنا ارنايى زال بولدىك. كەز كەلگەن تىلەك ءبىلدىرۋشى قويىلعان ەڭبەكتەرمەن تانىسا الادى»، - دەپ تۇيىندەدى ك. اقتايەۆا.
كورمەنىڭ اشىلۋى اياسىندا شەبەرلىك سىنىپتارى ءوتتى، وندا تاجىريبەلى پەداگوگتار بالالار كوركەمسۋرەت مەكتەبىنىڭ وقۋشىلارىمەن ءوز بىلىمدەرىن ءبولىستى.