ق ح ر مەملەكەتتىك كەڭەسىنىڭ پرەمەرى لي كىشياڭ اپات ايماعىنا شۇعىل اتتاندى

 استانا. قازاقپارات - ق ح ر ءتوراعاسى شي جينپيڭ چاڭجياڭ وزەنىندە كەمەنىڭ اپاتقا ۇشىراۋىنا بايلانىستى ماڭىزدى نۇسقاۋلار بەردى، ق ح ر مەملەكەتتىك كەڭەسىنىڭ پرەمەرى لي كىشياڭ كەمە اپاتى بولعان جەرگە شۇعىل اتتاندى،

دەپ حابارلايدى «شينحۋا».

دۇيسەنبى كۇنى بەيجىڭ ۋاقىتى بويىنشا شامامەن ساعات 21:30-دا يانتسزى (چاڭجياڭ) وزەنىندە شىعىس قىتايدىڭ جياڭسۋ پروۆينتسياسىنىڭ اكىمشىلىك ورتالىعى نانكين(نانجيڭ) قالاسىنان چۇڭشيڭعا (وڭتۇستىك- باتىس قىتاي) بارا جاتقان كەمە اپاتقا ۇشىرادى. ونىڭ ىشىندە 458 ادام بولعان، سونىڭ ىشىندە 406 تۋريست، تۋريستيك كومپانيانىڭ 5 قىزمەتكەرى جانە ەكيپاجدىڭ 47 مۇشەسى بولعان. وقيعا اۋا رايىنىڭ قولايسىزدىعىنان، قۇيىننان بولعان دەگەن بولجام ايتىلدى.

وقيعا ورنىنا لي كىشياڭ، ۆيتسە- پرەمەر ما كاي، مەملەكەتتىك كەڭەس مۇشەسى ياڭ جين جانە ءتيىستى ۆەدومستۆولاردىڭ باسشىلارى باردى. قازىرگى كەزدە ىزدەۋ- قۇتقارۋ ءىس- قيمىلدارى جالعاستىرىلىپ جاتىر.