ازيا ەلدەرىنىڭ دامۋ قارقىنى ارتادى
بۇل جونىندە تىلشىلەرىمىزگە بەرگەن سۇحباتىندا الەمدىك ەكونوميكا ينسيتيتۋتىنىڭ باس ساراپشىسى ازامات نۇرسەيىتوۆ حابارلادى.
بۇل كورسەتكىشتى ەسەلەۋ جولىندا ينفراقۇرىلىمدى دامىتۋ ماڭىزدى. ول ءۇشىن 2020 - جىلعا دەيىن 8 تريلليون دوللار شەتەلدىك ينۆەستيتسيا قاجەت. بۇل تۇيتكىلدى شەشۋ ءۇشىن قىتاي، ازياداعى ينفراقۇرىلىمدىق ينۆەستيتسيالار بانكى مەن جىبەك جولى قورىن قۇرۋدى ۇسىندى. قازاقستان بۇل باستامانى قوش كورىپ، سايكەسىنشە مەموراندۋمعا قول قويدى. بانك قىتايدان ەۋروپاعا دەيىنگى تاسجولداعى ينفراقۇرىلىمدىق جوبالاردى قارجىلاندىرادى. قازىرگى تاڭدا بۇل ۇيىمعا 57 مەملەكەت قىزىعۋشىلىق تانىتىپ وتىر.
ازامات نۇرسەيىتوۆ، ق ر تۇڭعىش پرەزيدەنتى- ەلباسىنىڭ قورى جانىنداعى الەمدىك ەكونوميكا ينسيتيتۋتىنىڭ باس ساراپشىسى:
- قىتاي بۇل جوبانى جۇزەگە اسىرۋدا قازاقستاندى ستراتەگيالىق ارىپتەس رەتىندە قاراستىرىپ وتىر. ارينە، وسى ەكى ۇلكەن قارجى ينستيتۋتىنىڭ قۇرىلۋى قازاقستان ەكونوميكاسىنىڭ دامۋىنا سەرپىن بەرەتىنى ءسوزسىز. بۇل باستاما ەكونوميكا سالاسىنىڭ كوپتەگەن مامانىن قىزىقتىرىپ وتىر. اناليتيكتەر مۇنداي اسەردى مۇلدەم كۇتپەگەن.