ەۋرو كوميسسيا باسشىسى ۆەنگرياعا ەسكەرتۋ جاسادى
22:10, 01 - ماۋسىم 2015
استانا. قازاقپارات - ەۋرو كوميسسيا پرەزيدەنتى جان- كلود يۋنكەر ۆەنگريا پرەمەر- ءمينيسترى ۆيكتور وربان ءولىم جازاسى تۋرالى زاڭدى ەنگىزۋدى ماقۇلداعان جاعدايدا، ەلدى ەۋرووداق قۇرامىنان شىعاراتىنىن ايتىپ، ەسكەرتتى، دەپ جازادى «بي-بي-سي» اگەنتتىگى.
ءساۋىر ايىنىڭ سوڭىندا وربان ەۋرو وداق بويىنشا ءولىم جازاسىن قايتا ەنگىزۋ مۇمكىندىگىن ورتاعا سالۋ تۋرالى ۇسىنىس جاساعان.
وسىعان بايلانىستى، يۋنكەر «Süddeutsche Zeitung» باسىلىمىنا بەرگەن سۇحباتىندا ۆەنگريادا ءولىم جازاسىن ەنگىزۋ ەۋرو وداقپەن «اجىراسۋ» بولاتىنىن ايتتى. سونىمەن بىرگە، يۋنكەر گرەكيانىڭ ەۋرو ايماقتان كەتۋى تۋرالى دا ە و ەلدەرىنە الدىن الا ەسكەرتكەن.