موڭعوليادا قازاق ستۋدەنتىنىڭ «قىڭىر شال» قۋىرشاق فيلمى باس جۇلدەنى جەڭىپ الدى - فوتو
- دەپ جازادى Kaznews.mn پورتالى.
موڭعوليا مەملەكەتىنىڭ جىل سايىن ءداستۇرلى تۇردە ۇيىمداستىراتىن انيماتسيالىق فەستيۆالىنە موڭعوليا جوعارعى وقۋ ورىندارىنان 180 گە جۋىق انيماتسيا شەبەرلەرى قاتىسىپ، باق سىنادى. ولاردىڭ اراسىنان وزا شىققان سيتي ۋنيۆەرسيتەتىنىڭ 3- كۋرس ستۋدەنتى نۇربول دانيال ۇلىنىڭ جاساعان «قىڭىر شال» («بولدوگگۇي بور وۆگون» ) انيماتسيالىق تۋىندىسى ۇزدىك دەپ تانىلىپ، باس جۇلدەنى جەڭىپ الدى.
«بۇل جارىسقا العاش رەت قاتىسىپ وتىرمىن. «قىڭىر شال» انيماتسيالىق تۋىندىسى موبيلدى قۇرىلعىلارعا ارنالعان. ەرتەگى - بالانىڭ ەڭ جاقىن دوسى عوي. سوندىقتان بۇل انيماتسيالىق تۋىندى بالالاردىڭ سانا- سەزىمىنىڭ ءوسىپ دامۋىنا كوپ اسەرىن تيگىزەدى دەگەن ويدامىن. كەلەر جىلعى فەستيۆالگە دايىندىقتى بۇگىننەن باستاپ كەتتىم. 2016 - جىلعى فەستيۆالدە ۇزدىك اتانۋ ءۇشىن D3 انيماتسيالىق تۋىندى ۇسىنامىن»، - دەيدى نۇربول دانيال ۇلى.
بۇدان بۇرىن ول ستۋدەنتتەر اراسىندا وتكەن Golden Mouse سايىسىندا ەكىنشى ورىن يەلەنگەن بولاتىن.