ءا. جاقسىبەكوۆ: استانا بۇكىل قۇرلىقتىڭ ەڭ ماڭىزدى كولىك حابىنا اينالۋى ءتيىس
دەپ حابارلايدى ەلوردا اكىمدىگىنىڭ باسپا ءسوز قىزمەتىنەن.
اكىمنىڭ ايتۋىنشا، قويىلعان ماقساتتارعا جەتۋ ءۇشىن ءىس- شارالاردىڭ كەشەندى جوسپارىن ازىرلەۋ قاجەت.
- ءبىزدىڭ جۇمىسىمىزدىڭ نەگىزگى وزەگى - استانانى ەۋرازيانىڭ مادەني، عىلىمي جانە ىسكەرلىك ورتالىعىنا اينالدىرۋ بولىپ تابىلادى، - دەپ اتاپ ءوتتى ەلوردا اكىمى.
ناقتى قادامداردىڭ 70- پۋنكتى - Astana EXPO-2017 ينفراقۇرىلىمدارى نەگىزىنە قاراستى جانە ارناۋلى مارتەبە بەرىلەتىن استانا حالىقارالىق قارجى ورتالىعىن قۇرۋ.
قارجى ورتالىعىنىڭ ەرەكشە زاڭدى مارتەبەسىن كونستيتۋتسيادا بەكىتۋ كوزدەلۋدە. اكىمنىڭ پىكىرىنشە، ورتالىق ەلوردانىڭ ىسكەرلىك ءال- اۋقاتىن ودان ءارى ەسەلەپ، بولاشاقتا الەمنىڭ 20 الدىڭعى قاتارلى قارجى ورتالىقتارىنىڭ قاتارىنا ەنەدى.
- بىزگە بارلىق ىقتيمال جاعدايلاردى، اتاپ ايتقاندا: ورتالىق جۇمىسىنىڭ ترانسپورتتىق جاعدايعا، باسپانا مەن قوناق ۇيلەر نارىعىنا، ەڭبەك نارىعىنا، كوشى- قون جانە تۋريستىك اعىمدارعا اسەرىن ەسكەرۋ قاجەت. بۇل ماسەلەلەردىڭ كوپجاقتىلىعىن ەسكەرە وتىرىپ، بارلىق ورىنباسارلار ورتالىق جانە جەرگىلىكتى مەملەكەتتىك ورگاندارمەن بىرىگىپ، وسى ىقتيمال ماسەلەلەردىڭ الدىن الۋ بويىنشا جۇمىستاردى اتقارۋى كەرەك، - دەپ تاپسىردى اكىم.
ورتالىقتا قارجى قىزمەتىنىڭ جاڭا تۇرلەرىن دامىتۋ كوزدەلىپ وتىر. بۇل ءوز كەزەگىندە قارجىلىق قۇرالدار اياسىن كەڭەيتەدى. قالا باسشىسىنىڭ ايتۋىنشا، ەكونوميكا جانە بيۋدجەتتىك جوسپارلاۋ باسقارماسى كوممۋنالدىق جوبالاردى قارجىلاندىرۋدىڭ، كاسىپكەرلىك باسقارماسى - شاعىن جانە ورتا بيزنەستى قولداۋ بويىنشا، «استانا - جاڭا قالا» اەا - ينۆەستيتسيالىق جوبالاردى جۇزەگە اسىرۋ بويىنشا جاڭا مۇمكىندىكتەردى قاراستىرۋى قاجەت.
- ەڭبەكاقى تولەۋ پرينتسيپىنە ءوتۋ اياسىندا جەرگىلىكتى اتقارۋ ورگاندارىنىڭ قىزمەتىن باعالاۋداعى نەگىزگى كريتەريلەردىڭ ءبىرى - ينۆەستيتسيا تارتۋ بويىنشا جۇمىس بولۋ كەرەك. سوندىقتان بارلىق باسقارمالار ءوز جوبالارىن جۇزەگە اسىرۋ ءۇشىن قارجىلىق قۇرالداردىڭ جان- جاقتى تۇرلەرىن قاراستىرۋى كەرەك، - دەدى اكىم.
قالا باسشىسى قارجى ورتالىعىنىڭ حالىقارالىق كولىك قاتىناسىنا قول جەتىمدىلىگىن دە ءسوز ەتتى. وسى ماقساتتا «100 ناقتى قادامنىڭ» 73- پۋنكتىنە سايكەس، الدىڭعى قاتارلى قارجى ورتالىقتارىمەن بايلانىستىراتىن اۋە قاتىناستارىنىڭ تۇراقتى جانە قولايلى جۇيەسى قۇرىلادى. بۇل ءوز كەزەگىندە ىشكى جانە قالاارالىق كولىك اعىمدارىمەن تىعىز بايلانىستا بولۋى كەرەك.
- ەلوردا ازيا مەن ەۋروپانىڭ اراسىن بايلانىستىراتىن بارشا قۇرلىقتىڭ ەڭ ماڭىزدى كولىك حابىنا اينالۋى كەرەك، - دەدى اكىم. - بۇل تۇرعىدا جولاۋشىلار كولىگى جانە اۆتوموبيل جولدارى باسقارماسىنا، «استانا ل ر ت» ج شس قالانىڭ كەشەندى كولىك جۇيەسىن قالىپتاستىرۋعا جۇيەلى تۇردە كىرىسۋگە، حالىقارالىق، ۇلتتىق جانە قالاىشىلىك قاتىناستىردىڭ بارلىعىن قاراستىرۋدى تاپسىرامىن.
ورتالىق ينفراقۇرىلىمىنىڭ تاعى ءبىر ماڭىزدى بولىگى - ساپالى اقپاراتتىق- كوممۋنيكاتسيالىق جۇيە. الداعى ۋاقىتتا ورتالىق قاتىسۋشىلارى عانا ەمەس، استانانىڭ بارلىق تۇرعىندارى دا ساپالى، جىلدام جانە ارزان بايلانىس تۇرىنە قول جەتكىزەدى دەپ جوسپارلانعان.
اكىم ورتالىققا شەتەلدىكتەردىڭ كوپ كەلەتىنىن، بۇل تۇرعىدا اعىلشىن ءتىلىن بارلىق جەردە قولدانۋ قاجەتتىلىگى تۋىندايتىنىن دا اتاپ ءوتتى. اعىلشىن ءتىلى قارجى ورتالىعىنىڭ اۋماعىندا رەسمي ءتىل بولماق.
- ءبىز قازىردىڭ وزىندە اعىلشىن ءتىلىن وقىتۋ جانە ونى جاستار اراسىندا ناسيحاتتاۋدا قوناقۇيلەر، مەيرامحانالار جانە باسقا دا قىزمەت كورسەتۋ مەكەمەلەرىنىڭ قىزمەتكەرلەرىنە اعىلشىن ءتىلىن مەڭگەرۋگە قولداۋ كورسەتۋ بويىنشا جۇمىستاردى قولعا الۋىمىز قاجەت. مەملەكەتتىك جانە جەكە اعىلشىن ءتىلىن ۇيرەتۋ كۋرستارىن اشۋ ماسەلەسىن قاراستىرۋ جانە ءتيىستى كادرلىق، ماتەريالدىق- تەحنيكالىق، ادىستەمەلىك بازامەن قامتۋ كەرەك، - دەدى قالا باسشىسى.
ەلوردا اكىمى سونداي- اق تۋريزم سالاسىنداعى جۇمىستى جاڭعىرتۋ قاجەتتىلىگىن اتاپ ءوتتى. اكىمنىڭ پىكىرىنشە، استانا قالاسىنا كەلۋشىلەر سانىن ارتتىرۋداعى باستى قۇراۋىش مەرەكەلىك شارالار مەن تۋريزمنىڭ دامۋى بولىپ تابىلادى.
قورىتىندىلاي كەلە، اكىم العا قويىلعان ماقساتتاردىڭ ماڭىزدىلىعىن تاعى ءبىر رەت اتاپ ءوتتى. سونىمەن قاتار جۇمىسقا ۆەدومستۆو كولەمىندە عانا قاراماۋ كەرەك ەكەندىگىن ەسكەرتتى.
- اۋقىمدى ماقساتتاردى تۇيتكىلدى ماسەلە رەتىندە ەمەس، ءوزىمىزدى كورسەتۋدىڭ مۇمكىندىگى، ءال- اۋقاتىمىزدى جۇزەگە اسىرۋدىڭ امالى، استانانىڭ دامۋىنا سۇبەلى ۇلەس قوسۋ رەتىندە قاراستىرۋىمىز كەرەك، - دەدى ەلوردا باسشىسى.