قازاقستان مەن يۆانوۆ وبلىسىنىڭ (ر ف) بيزنەسمەندەرى ىنتىماقتاستىق بولاشاعىن تالقىلادى - فوتو
قازاقستاندىق دەلەگاتسيانىڭ ساپارى كاسىپكەرلەر كۇنى (29- مامىر) مەن يۆانوۆو قالاسىنىڭ كۇنىنە (30- مامىر) ورايلاستىرىلعان.
ساپار اياسىندا قازاقستاندىق بيزنەس قاۋىمداستىعى يۆانوۆ وبلىسىنىڭ باسشىلىعىمەن، ايماقتىڭ ساۋدا-ونەركاسىپ پالاتاسىنىڭ وكىلدەرى جانە كاسىپكەرلەرىمەن كەزدەسۋلەرىن وتكىزدى.
ساپاردىڭ باستى ماقساتى - ايماقارالىق جانە مەملەكەتارالىق بايلانىستاردى نىعايتۋ جانە دامىتۋ، ءوزارا سەنىم مەن مەملەكەتتىك، قوعامدىق جانە كاسىپكەرلىك قۇرىلىمداردىڭ قىزىعۋشىلىعىن ارتتىرۋ، قازاقستان رەسپۋبليكاسىنىڭ بيزنەسى مەن يۆانوۆ وبلىسىنىڭ كاسىپكەرلەرىنىڭ اراسىندا تىعىز بايلانىستارى مەن تىعىز ينتەگراتسياسىن ورناتۋ.
قازاقستاندىق بيزنەسمەندەردىڭ ايماق كاسىپكەرلەرىمەن كەزدەسۋلەرىنىڭ بارىسىندا سوڭعىلارى قازاقستان رەسپۋبليكاسىنا توقىما ونىمدەرى مەن تىگىن بۇيىمدارىن جەتكىزۋگە، سونداي-اق قازاقستاننان يۆانوۆ وبلىسىنا اۋىلشارۋاشىلىق ونىمدەرىنىڭ جەتكىزىلۋىنە قىزىعۋشىلىعىن ءبىلدىردى.
يۆانوۆ وبلىسى ۇكىمەتى ءتوراعاسىنىڭ ورىنباسارى سۆەتلانا داۆلەتوۆانىڭ ءوز سوزىندە اتاپ وتكەندەي، ايماقتىڭ باسىمدىق سالاسى - توقىما ونەركاسىبى. رەسەي ەلىندەگى بارلىق ماقتا-ماتا توقىما ماتالارىنىڭ 70 پايىزى يۆانوۆ وبلىسىندا شىعارىلادى.
«بۇگىندە ءبىز سىرتقى ەكونوميكالىق الاڭدارىندا، رەسەي اۋماعىندا توقىما تاۋارلارىن العا جىلجىتۋ بويىنشا ايماقتان تىس، رەسەي فەدەراتسياسىنىڭ سىرتىنا دا ءوزارا ءتيىمدى ىنتىماقتاستىقتى دامىتۋ ءۇشىن قولدان كەلەتىننىڭ ءبارىن جاساپ جاتىرمىز» ، - دەدى ول. «قازاقستاندىق اگروونەركاسىپ كەشەنىنىڭ كاسىپكەرلەرىمەن ىنتىماقتاستىقتى دامىتۋعا قىزىعۋشىلىق تانىتىپ وتىرعانىمىز ءسوزسىز. ءىرى قارا مال، ەت جانە بالىق بويىنشا تاۋەلدى بولىپ وتىرمىز»، - دەپ قوسىپ ءوتتى س. داۆلەتوۆا.
يۆانوۆ وبلىسى ءتوراعاسىنىڭ ورىنباسارى ايماق قازاقستان رەسپۋبليكاسىنىڭ وندىرىستىك كۇشتەرىن وبلىستىڭ ءۇش يندۋستريالىق ايماقتارىندا ورنالاستىرۋدى ۇسىنۋعا دايىن ەكەنىن اتاپ ءوتتى. ايماقتا ءۇش يندۋستريالىق پارك بار - رودنيكي، كينەشما جانە يۆانوۆودا. ولاردىڭ بىرەۋى مەملەكەتتىك-جەكەمەنشىك سەرىكتەستىك، تاعى ەكەۋى - جەكەمەنشىك بولىپ تابىلادى.
«كەلىسسوزدەر جۇرگىزۋگە دە، وبلىس اۋماعىندا دامۋ ءۇشىن تيىمدىلىگى جوعارى جاعدايلار قۇرۋعا دا دايىن بولامىز»، - دەپ اتاپ ءوتتى ءوز سوزىندە س. داۆلەتوۆا.
كەزدەسۋدىڭ سوڭىندا شاراعا قاتىسۋشىلاردىڭ اراسىنداعى دوستىق پەن قۇرمەتتىڭ بەلگىسى رەتىندە كادەسىيلار مەن سىيلىقتارمەن الماستى.