مەريلين مونرونىڭ بۇرىن كەزدەسپەگەن سۋرەتتەرى اۋكتسيوندا ساتىلادى

استانا. قازاقپارات - مەريلين مونرونىڭ بۇرىن كەزدەسپەگەن سۋرەتتەرى اۋكتسيوندا ساتىلادى، دەپ حابارلادى www.24.kz.

سۋرەتتەر 1962-جىلى اكتريسانىڭ كوز جۇمۋىنا ءبىر اي قالعاندا تۇسىرىلگەن. سول كەزدە ول 36 جاستا بولعان، دەپ جازادى epochtimes.ru.

مەريلين مونرونى بۇل سۋرەتتەرگە ونىڭ جاقىن دوسى ءارى كاسىبي فوتوگراف دجوردج بارريس تۇسىرگەن. وسى كەزگە دەيىن كوزى ءتىرى فوتوگراف ايگىلى اكتريسا جايلى بىلاي دەگەن ەكەن: «ماعان مەريليننىڭ ءوزىن كينوجۇلدىزبىن دەمەي، قاراپايىم ۇستايتىندىعى ۇنايتىن. ول ءتۇسىرىلىم الاڭىنداعى بارلىق ادامعا بىردەي قاراپ، سىپايى سويلەسەتىن. ەكىجۇزدىلىك پەن مەنمەندىك وعان مۇلدە جات قاسيەتتەر ەدى».

سۋرەتتەر لوندوندا 4- ماۋسىمدا وتەتىن بلۋمسبەري اۋكتسيونىندا ساتىلادى. تاپ قازىر ونىڭ ءارقايسىسى 1 جارىم مىڭ دوللارعا باعالانۋدا.