دميتري مەدۆەديەۆ: ە ا ە و اياسىندا ۆاليۋتالىق وداق قۇرۋ ماسەلەسى نازاردان تىس قالماۋى ءتيىس
بۇل تۋرالى بۇگىن اقمولا وبلىسىنا قاراستى بۋراباي كەنتىندە ءوتىپ جاتقان ەۋرازيالىق ۇكىمەت ارالىق كەڭەستىڭ كەڭەيتىلگەن قۇرامداعى وتىرىسى بارىسىندا ر ف ۇكىمەت باسشىسى دميتري مەدۆەديەۆ ايتتى.
«نەگىزگى نازار تاۋارلار، قىزمەتتەر مەن كاپيتالدىڭ، جۇمىس كۇشىنىڭ ەركىن قوزعالىسىنا توسقاۋىل بولاتىن كەدەرگىلەردى جويۋعا شوعىرلانۋى ءتيىس. بۇل كەدەرگىلەردىڭ ءبىر بولىگىن ءبىز بۇگىنگى ۋاقىتتا الىپ تاستادىق. ءبىراق، قازىر جۇمىس ىستەۋىمىزدى قاجەت ەتىپ تۇرعان پروبلەمالار دا بار»، - دەدى د. مەدۆەديەۆ.
ونىڭ اتاپ وتۋىنشە، مۇنداي جايت قۋاتتى ينتەگراتسيالار اراسىندا بولىپ تۇرادى ءارى ونداي كەدەرگىلەر جىلدان جىلعا ازايىپ كەلە جاتىر. سونىمەن قاتار ول بولاشاقتا ۆاليۋتالىق وداق قۇرۋ مۇمكىنشىلىگىن قاراستىرۋ قاجەتتىگىنە نازار اۋداردى.
«ءبىز بۇل ماسەلەنى باسقا ارىپتەستەرىمىزدەن بىرلەسىپ قاراۋعا دايىنبىز. قالاي دەسەك تە، بۇل باعداردى سوڭعى ناتيجەدە نازاردان تىس قالدىرماۋىمىز كەرەك. بۇل ونىڭ ەڭ ءبىرىنشى كەزەكتەگى ماقسات دەگەندى بىلدىرمەيدى. دەگەنمەن، ونى ەستە ۇستاۋ قاجەت»، - دەدى ر ف ۇكىمەت باسشىسى.
اۆتور: مارلان جيەمباي