سەمەيلىك ابىلايحان اسىلباي قولونەر بايقاۋىنىڭ گران- پري يەگەرى اتاندى - فوتو
جەڭىمپاز جۇمىسى ءار الۋان ورىنداۋ شەبەرلىگىمەن ەرەكشەلەنەدى: كۇمىس جانە سارى مەتالل سىمنان توقىلعان اسكەر ساۋىتى، بولاتتان جاسالىپ، بىلعارى قاپقا سالىنعان قىلىش، مەتالدان ايەل اشەكەيلەرى، ءارتۇرلى ورىلگەن قامشى، ات ابزەلدەرى، ەر- توقىم جانە ت. ب.
شەبەر جۇمىسىنىڭ ماتەريالدان بولەك بۇيىمداردى وڭدەۋ ەپتىلىگى تاڭ قالدىرادى. ول ءوزىن 6 جىل بويى ۇيرەتكەن ۇستازىنىڭ «ناعىز شەبەر كەز كەلگەن ماتەريالمەن جۇمىس ىستەي الۋى ءتيىس» دەگەن ءسوزىن اتاپ ءوتتى.
ابىلايحان شىعارماشىلىقپەن اۋىر جاعدايعا دۋشار بولىپ، ياعني مۇگەدەك بولىپ قالعاننان كەيىن اينالىسۋعا بەل بۋعان ەكەن. جىلدار بويى كاسىبي قۇرىلىسشى بولعان. ءبىر كۇنى ورماندا بيىكتەن قۇلاپ، ومىرتقاسى زاقىمدانادى. اياعى قوزعالماي، قولى السىرەگەن. كۇيزەلىسكە تۇسكەن ول ۋايىم- قايعىسىن جەڭۋ ءۇشىن ەجەلگى اعاش قولونەرىن يگەرۋدى قولعا الىپتى.
ارينە، ساۋىت جاساۋ وتە كۇردەلى، كوپ ەڭبەكتەنۋدى قاجەت ەتەتىن جۇمىس، دەدى ابىلايحان. ايەل اشەكەيلەرىن جاساۋ ءۇشىن ۇساق بەدەرلەرمەن جۇمىس جاساۋ كەرەك.
ايتقانداي، 70 ادام قاتىسقان بايقاۋ قورىتىندىسى بويىنشا فينالعا بەس نوميناتسيادان جەڭىمپازدار شىقتى. ءار اتالىمدا بىرنەشە جەڭىمپازدار بار.
سەرگەي تىركين قايىڭ قابىعى، اعاشپەن ءتۇرلى تاسىلدە جۇمىس ىستەيدى. اسەت قۋاندىقوۆ تەرى مەن كۇدەرىدەن ايەل اشەكەيلەرىن جاسايدى. زاتتار وتە ادەمى، ەرەكشە، زاماناۋي. سەمەيدەن كەلگەن كۇلەش تولەۋبايەۆا ەرەكشە تالعاممەن كيىز باسادى. ليديا ۆاسيۋتينا بىرنەشە جىلدان بەرى جىلىتاتىن قۋىرشاق تىگەدى.
ءار نوميناتسيا بويىنشا جەڭىمپازدار العىس حاتتارمەن جانە جۇلدەلەرمەن ماراپاتتالدى.
بايقاۋعا ءار الۋان تەحنيكادا، جانردا 500 گە جۋىق جۇمىس ۇسىنىلعان. كورمە «جاستار» قالالىق ساياباعىندا ءوتتى. تۇرعىندار مەن قالا قوناقتارى، وسى كۇندەرى وسكەمەندە ءوتىپ جاتقان ەكى حالىقارالىق فورۋمنىڭ - تيتان ونەركاسىپشىلەرى جانە مۇراجاي قىزمەتكەرلەرىنىڭ كونفەرەنسياسىنا قاتىسۋشىلار وڭىرلىك ديزاينەرلەردىڭ كوستيۋم ۇلگىلەرى دەفيلەسىن تاماشالاي الدى.