قازاقستان ۆەتناممەن ەكونوميكالىق جانە ساياسي بايلانىستاردى دامىتۋعا مۇددەلى - ن. نازاربايەۆ
15:26, 29 - مامىر 2015
استانا. قازاقپارات - مەملەكەت باسشىسى نۇرسۇلتان نازاربايەۆ ۆەتنام پرەمەر- ءمينيسترى نگۋەن تان زۋنگپەن كەزدەستى، دەپ حابارلادى اقوردانىڭ باسپا ءسوز قىزمەتىنەن.
كەزدەسۋ بارىسىندا ساۋدا- ەكونوميكا، ينۆەستيتسيا، وتىن- ەنەرگەتيكا سالالارىن قوسا قامتيتىن ءبىرقاتار باعىتتا ەكى ەل ىنتىماقتاستىعىن نىعايتۋ ماسەلەلەرى تالقىلاندى.
قازاقستان پرەزيدەنتى ەلىمىزدىڭ ەكونوميكالىق جانە ساياسي بايلانىستاردى دامىتۋعا مۇددەلى ەكەنىن، ە ا ە و جانە وعان مۇشە مەملەكەتتەر مەن ۆەتنامنىڭ اراسىندا قول قويۋ جوسپارلانىپ وتىرعان ەركىن ساۋدا ايماعى تۋرالى كەلىسىم بۇعان سەپتىگىن تيگىزۋى تيىستىگىن اتاپ ءوتتى.
ۆەتنام پرەمەر- ءمينيسترى ەل ۇكىمەتى مەن حالقىنىڭ اتىنان نۇرسۇلتان نازاربايەۆتى قازاقستان حالقىنىڭ پرەزيدەنتتىك سايلاۋدا كورسەتكەن سەنىمىمەن قۇتتىقتادى.
تاراپتار ءتۇرلى سالاداعى ىنتىماقتاستىقتىڭ الەۋەتى زور ەكەنىن ايتا كەلىپ، ونى ءارى قاراي ورىستەتۋدىڭ ماڭىزدىلىعىن اتاپ ءوتتى.