ق ر پرەزيدەنتى: ۇكىمەتتىڭ ءوز بەتىنشە جۇمىس ىستەۋىنە مۇمكىندىك بەرىپ، پارلامەنت وكىلەتتىگىن كەڭەيتۋ قاجەت
بۇل تۋرالى بۇگىن اقمولا وبلىسىنا قاراستى بۋراباي كەنتىندە ت م د- عا قاتىسۋشى مەملەكەتتەر دەلەگاتسيالارى باسشىلارىمەن كەزدەسكەن ەلباسى نۇرسۇلتان نازاربايەۆ ايتتى.
«ءبىزدىڭ ىستەرىمىزدىڭ بارلىعى اشىق بولۋى ءتيىس. ەگەر ول مەملەكەتتىك قۇپيا بولماسا، وندا ول اقپارات قولجەتىمدى بولۋى ءتيىس. ۇكىمەتتىڭ شەشىمدەرى، اسىرەسە، جەرگىلىكتى بيۋدجەت جەرگىلىكتى پارلامەنتپەن (ماسليحاتپەن) قوعامدىق ۇيىمدار مەن ادامداردىڭ قاتىسۋىمەن اشىق شەشىلۋى ءتيىس جانە ءاربىر دەڭگەي تۇرعىندار الدىندا جارتى جىل سايىن ەسەپ بەرىپ، ساۋالدارىنا جاۋاپ بەرۋى قاجەت»، - دەدى ەلباسى.
ق ر پرەزيدەنتى پارلامەنت پەن ۇكىمەتكە مول قۇقىق بەرۋ قاجەتتىگىن دە ەرەكشە اتاپ ءوتتى.
«ءالى كۇنگە دەيىن بىزدە پرەزيدەنتتىك بيلىك. وزدەرىڭىز دە پرەزيدەنتتىك بيلىكتىڭ وتە تىك ەكەنىن بىلەسىزدەر. ورتا سانات سانىنىڭ وسۋىنە قاراي ونى السىرەتىپ، ۇكىمەتكە ءوز بەتىندە جۇمىس ىستەۋگە مۇمكىندىك، ال پارلامەنتكە مول وكىلەتتىك بەرۋ قاجەت شىعار»، - دەدى ن. نازاربايەۆ.