ب. ساپاربايەۆ عىلىمي-زەرتتەۋ زەرتحانالارىنىڭ جۇمىسىن سىنادى

الماتى. قازاقپارات - بۇگىن ءال-فارابي اتىنداعى قازاق ۇلتتىق ۋنيۆەرسيتەتىندە ق ر پرەمەر-ءمينيسترىنىڭ ورىنباسارى بەردىبەك ساپاربايەۆتىڭ قاتىسۋىمەن «ەلدىڭ يننوۆاتسيالىق دامۋ نەگىزدەرى رەتىندە عىلىم، ءبىلىم بەرۋ جانە بيزنەس ينتەگراتسياسى» اتتى حالىقارالىق عىلىمي-تاجىريبەلىك كونفەرەنتسيا ءوتتى.

كونفەرەنتسيا بارىسىندا ۆيتسە-پرەمەر ەلدەگى عىلىم سالاسىنىڭ جۇمىسىنا كوڭىلى تولمايتىنىن جەتكىزدى.

ونىڭ ايتۋىنشا، عىلىمي زەرتتەۋ زەرتحانالارى بولىنگەن قارجىنىڭ مولدىعىنا قاراماستان جاڭا تەحنولوگيالاردى جەتكىلىكتى دارەجەدە ۇسىنا الماي وتىر.

«قازىرگى ەكونوميكالىق داعدارىس كەزىندە ءار مەملەكەت ءوز مۇمكىندىگىن تولىعىمەن پايدالانۋ كەرەك. پرەزيدەنت سوڭعى كەزدەرى بەرگەن تاپسىرمالارىندا بار مۇمكىندىكتى پايدالانىپ، ەكونوميكا دامۋىنىڭ تومەندەۋىن بولدىرماۋ كەرەكتىگىن ايتقان. 8 جىل بۇرىن ەلباسى تاپسىرماسىنا سايكەس 15 عىلىمي زەرتتەۋ زەرتحانالارىن اشۋعا 5 ميلليارد تەڭگە بولىنگەن بولاتىن. ال ونى دامىتۋعا 8 ميلليارد ءبولىندى. الايدا، ولاردىڭ بىزبەن بولىسەتىن جاڭالىقتارى كوپ ەمەس. اسىرەسە ينۆەستيتسيا تارتۋ تومەن. كوپتەگەن ج و و كاسىپورىندارمەن جۇمىس ىستەمەيدى. وتكەن بەس جىلدا كاسىپورىندارمەن كەلىسىم-شارت كولەمى 1 ميلليون تەڭگەدەن اسپادى. باسقا مەملەكەتتەردە عىلىم سالاسىنا ءوز كاسىپورىندارىنان تارتىلاتىن ينۆەستيتسيا كولەمى 17 پايىزعا دەيىن جەتەدى. ال بىزدە 0,7 پايىز. رەكتورلاردىڭ كاسىپورىندارمەن بايلانىسى ناشار. عىلىم سالاسىنا الدىڭعى جىلى 22 ميلليارد تەڭگە بولىنسە، بىلتىر 40 ميلليارد تەڭگە ءبولىندى. بۇل از قارجى ەمەس. وسى اقشا بىزگە نە بەردى؟ بۇل سۇراقتى ءبىز قازىر ق ر ءبىلىم جانە عىلىم مينيسترلىگىنە قويامىز»، - دەدى پرەمەر-ءمينيستردىڭ ورىنباسارى.

ونىڭ ايتۋىنشا، بيىلعى 4 ايدا ەكونوميكانىڭ دامۋ كورسەتكىشى بىلتىرعى جىلمەن سالىستىرعاندا 2,4 پايىزعا ءوستى.

«دۇنيەجۇزىلىك داعدارىسقا قاراماستان ەلىمىزدە بارلىق سالاداعى دامۋ كورسەتكىشتەرى جوعارى. ق ر مەملەكەت باسشىسى 5 حالىقتىق رەفورماسىندا ءبىلىم جانە عىلىم سالاسىنا اسا ۇلكەن كوڭىل بولگەن. ەلدەگى ءبىلىم عىلىم سالاسى جەتىستىكتەرىن وندىرىسپەن بايلانىستىرىپ كلاستەر جاساپ، جاڭا تەحنولوگيالار مەن يننوۆاتسيالىق جاڭالىقتاردى ەكونوميكامىزعا ەنگىزسەك دەگەن ماقسات بار. جاڭا زاڭ قابىلدانىپ جاتىر. قولدانىستاعى زاڭعا وزگەرىس ەنگىزىلىپ جاتىر»، - دەدى ب. ساپاربايەۆ.

وقۋ ورداسىنىڭ رەكتورى ۆيتسە-پرەمەردىڭ ايتقان سىني سوزدەرىن دۇرىس قابىلدادى.

«بۇگىن ۋنيۆەرسيتەت قابىرعاسىندا ەلەۋلى ماڭىزدى وقيعا ءوتىپ جاتىر. ەلباسى حالىقتىق رەفورمانى جاريالاپ، 100 ناقتى قادامدى كورسەتىپ قانداي مىندەتتەر تۇرعانىن انىقتاۋعا جينالدىق. ءسىزدىڭ وسى باعىتتا عىلىم-ءبىلىم سالاسىنا قاتىستى ۇسىنىستارىڭىز بەن ەسكەرتۋلەرىڭىز ەسكەرىلەدى»، - دەدى رەكتور عالىم مۇتانوۆ.

جيىنعا ق ر پارلامەنتى دەپۋتاتتارى، مەملەكەتتىك ۇيىم، كاسىپورىندار مەن ۇيىمدار، ج و و- لار، حالىقارالىق اككرەديتاتسيالىق ورتالىقتار، رەيتينگتىك اگەنتتىكتەردىڭ وكىلدەرى، جوعارى ءبىلىم بەرۋ سالاسىنداعى عالىمدار مەن ساراپشىلار قاتىستى. فورۋمدا ەلدىڭ يننوۆاتسيالىق دامۋ نەگىزدەرى رەتىندەگى عىلىم، ءبىلىم بەرۋ جانە بيزنەس ينتەگراتسياسىنىڭ ءتيىمدى جۇيەسىن قۇرۋدىڭ زاماناۋي ءتاسىلى مەن ۇلگىلەرىن تۋدىرۋ ماسەلەسى تالقىلاندى.

سونداي-اق، وقۋ ورداسىندا ج و و تۇلەكتەرى ءۇشىن «بوس قىزمەت ورىندارىنىڭ جارمەڭكەسى»، يننوۆاتسيالىق تەحنولوگيالاردىڭ كورمەسى ءوتتى.

اۆتور: گۇلميرا عوسمانالي