سيريا وپپوزيتسياسىنىڭ ەشقايسىسى «يسلام مەملەكەتى» قوزعالىسىن قولداپ وتىرعان جوق - ن. سارباس

استانا. قازاقپارات - سيريا وپپوزيتسياسىنىڭ ەشقايسىسى «يسلام مەملەكەتى» قوزعالىسىن قولداپ وتىرعان جوق. بۇل تۋرالى بۇگىن ەلوردادا سيريالىق وپپوزيتسيا وكىلدەرى كەلىسسوزدەرىنىڭ قورىتىندىسى بويىنشا وتكەن باسپا ءسوز ءماسليحاتىندا سيرياداعى كۇردتەر قوزعالىسىنىڭ وكىلى نابي سارباس ءمالىم ەتتى.

«يسلام مەملەكەتى» قوزعالىسىنا قاس جاۋىمىزداي قاراپ وتىرمىز. وپپوزيتسيانىڭ ەشقايسىسى ولاردى قولداپ وتىرعان جوق. يدەولوگيا مەن باسقا دا ماسەلەلەر بويىنشا ءبىز «ي م» وكىلدەرىنىڭ قاس دۇشپانىمىز»، - دەدى ن. سارباس.

وسى ورايدا ول سيريالىق داعدارىس بويىنشا شەشىمدى بارىنشا تەزىرەك جاساۋ كەرەك ەكەنىن اتاپ ءوتتى.

«ءبىزدىڭ ۇرانىمىز - بوستاندىق. مەنىڭ ويىمشا، «يسلام مەملەكەتى» قوزعالىسى بوستاندىق ۇستانىمىن ناسيحاتتامايدى، ولار وزدەرىنەن وزگەشە ادامداردىڭ بارلىعىن ولتىرۋدە. ەكسترەميزم، بۇل زاردابى اۋىر قۇبىلىس. وركەنيەتتى ەلدى قۇرۋ ءۇشىن وعان قارسى ءىس- قيمىلدى بارىنشا تەزىرەك تابۋ قاجەت»، - دەدى ن. سارباس.

اۆتور: رۋسلان عابباسوۆ