الەمدە مۇناي باعاسى كوتەرىلۋدە

استانا. قازاقپارات - ا ق ش- تا مۇنايدىڭ كوممەرتسيالىق قورلارى بويىنشا ستاتيستيكا نارىعىن كۇتۋ جاعدايىندا الەمدە بەيسەنبى كۇنگى مۇنايدىڭ باعاسى وڭ ديناميكانى كورسەتىپ وتىر. بۇنى ساۋدا مالىمەتتەرى كۋالاندىرادى.

جەرگىلىكتى ۋاقىت بويىنشا ساعات 7:18 دە Brent سولتۇستىكتەڭىزدىك قوسپاسىنىڭ شىلدەدەگى فيۋچەرستەرىنىڭ باعاسى 0,71 پايىزعا - ءبىر باررەل ءۇشىن 62,50 دوللارعا دەيىن كوتەرىلگەن. WTI مۇنايىنىڭ شىلدە ايىنداعى فيۋچەرسىنىڭ قۇنى 0.3 پايىزعا - ءبىر باررەل ءۇشىن 57,58 دوللارعا دەيىن وسكەن.

ينۆەستورلار ا ق ش ەنەرگەتيكا مينيسترلىگى ەنەرگەتيكالىق اقپارات باسقارماسىنىڭ (EIA) بەيسەنبى كۇنى وتەتىن ەلدەگى مۇنايدىڭ كوممەرتسيالىق قورلارى بويىنشا ستاتيستيكاسىنىڭ جاريالانۋىن كۇتىپ وتىر. ساراپشىلاردىڭ بولجامدارىنا سايكەس، 22- مامىر كۇنى تۇيىندەلگەن مۇنايدىڭ ءبىر اپتالىق قورى 857 مىڭ باررەلگە قىسقارىپ، 481,34 ميلليون باررەلدى قۇراعان.

15- مامىردا اياقتالعان اپتادا ا ق ش- تاعى مۇناي قورى 2,7 ميلليون باررەلگە قىسقارىپ، 482,2 ميلليون باررەلدى قۇراعان، دەپ اقپاراتتاندىرادى ر ي ا نوۆوستي.

«ا ق ش- تا مۇناي قورلارىنىڭ قايتا تومەندەۋىن كۇتۋ جاعدايى قوسىمشا قولداۋدى تارتىپ وتىر (شيكىزات باعالارىنا - رەد.)»، - دەپ مالىمدەدى فرانس پرەسس اگەنتتىگىنە سينگاپۋرداعى CMC Markets تالداۋشىسى نيكولاس تەو (Nicholas Teo).