ستۋدەنتتەر ەكسپو اۋماعىنداعى تۇرعىن ءۇي ورامى جوباسىن ازىرلەۋدە
اتالمىش بايقاۋ 2005-جىلدان بەرى جىل سايىن فرانسۋزدىق «Saint-Gobain» (سەن-گوبەن) كومپانياسىمەن ۇيىمداستىرىلىپ كەلەدى.
بايقاۋ اياسىندا الەمنىڭ 20 ەلىنىڭ جاس ساۋلەتشىلەرى «ەكسپو-2017» كورمەسىنىڭ اۋماعىندا سالىناتىن ەنەرگيالىق تيىمدىلىگى جوعارى تۇرعىن ءۇي كەشەندەرىنىڭ جوبالارىن ۇسىنادى.
«ەكسپو-2017» كورمەسىنىڭ «بولاشاق ەنەرگياسى» تاقىرىبىنا سايكەس بايقاۋعا قاتىسۋشىلارعا تۇرعىن سىلەمىنىڭ ەكولوگيالىق راتسيونالدى ساۋلەت جوباسىن جاساپ، ونىڭ قۇرامىنا كىرەتىن ءبىر عيماراتتى تولىق تالداۋ ۇسىنىلدى. ستۋدەنتتەر ءوز جۇمىستارىندا استانانىڭ كۇرت-كونتينەنتتىك كليماتتىق جاعدايلارى مەن باسقا دا ايماقتىق ەرەكشەلىكتەرىن ەسكەرۋى ءتيىس بولدى.
«بايقاۋ تاقىرىبى - ەكولوگيالىق، ەنەرگيا تيىمدىلىگى جوعارى قۇرىلىس، قازىرگى كەزدە ول وتە ماڭىزدى بولىپ تابىلادى. قازاقستاندىقتار پرەزيدەنتىمىزدىڭ قورلاردى بولاشاق ۇرپاق ءۇشىن ۇنەمدەۋدىڭ ماڭىزدىلىعى تۋرالى ايتقان سوزدەرىن ۇمىتقان جوق دەپ ويلايمىن. 10 جىل بۇرىن بۇل بايقاۋ ەۋروپادا وتكىزىلدى، ال بيىل بىزدە ءوتىپ جاتىر. وعان الەمنىڭ كوپتەگەن ەلدەرى قاتىسۋدا»، - دەپ باياندادى ۇيىمداستىرۋشىلاردىڭ ءبىرى، سەن-گوبەن كومپانياسىنىڭ قازاقستان، ورتا ازيا، كاۆكاز جانە موڭعولياداعى ديرەكتورى يگور تياپكين.
بايقاۋعا قاتىسۋشىلاردىڭ 50 كومانداسىنىڭ جۇمىستارىن قۇرامىنا ساۋلەت جانە ەنەرگيا تيىمدىلىگى جوعارى قۇرىلىستىڭ ساراپشىلارى، «استانا ەكسپو-2017 ۇ ك» ا ق- نىڭ، جەرگىلىكتى باسقارۋ ورگاندارىنىڭ وكىلدەرى، سونداي-اق Saint-Gobain (سەن-گوبەن) كومپانياسىنىڭ ساراپشىلارى كىرەتىن حالىقارالىق قازىلار القاسى باعالايدى.
بايقاۋ جەڭىمپازدارىنىڭ ەسىمدەرىن جاريالاۋ جانە ولاردى ماراپتاتتاۋ ءراسىمى 29- مامىر كۇنى استانادا وتەدى.