كيەلى مەكەن، كيىكتەر قايدا كەشەگى؟
***
ەركەسى ەدىڭ، كەربەزى ەدىڭ دالامنىڭ،
جۋساتىپ باۋداي قاداعان سۇعىن ساعان كىم،
ءولىمى جۇمباق قىرىلىپ جاتقان كيىكتەر،
قۇربانى بولدى- اۋ قاتىگەز مىناۋ زامانننىڭ.
مەڭىرەۋ دالا مۇلگيدى ءۇنسىز قايعىدان،
كيەلى مەكەن كيىكتەرىنەن ايرىلعان.. .
زىمىرانبا سەنىڭ شىرقىڭدى بۇزعان بەيباعىم.
وبالىڭ كىمدە، ادام با الدە تاعدىردان ؟
كيەلى مەكەن، كيىكتەر قايدا كەشەگى؟
مەزگىلسىز جالعان ومىردەن نەگە كوشەدى.
سۇراۋىڭ كىمدە، جاۋابىڭ قايدا ادامزات؟ !
اپاتتىڭ مىناۋ جۇمباعىن كىمدەر شەشەدى..
مولدىرەپ انە كىيكتىڭ جەتىم لاعى،
جاناردا جاسى، جاقىنىن قىيماي تۇر ءالى.
ۇليدى بوران مۇڭىنا ونىڭ ءۇن قوسىپ
قايعىسىن توگىپ، قارا اسپان بىرگە جىلادى.
ەسىمە سالىپ تىرنايدى اۋزىن جارانىڭ.
كيىكتەي كەشە قىرىلعان قايران قازاعىم،
كيىكپەن بىرگە كيەڭ دە كەتىپ بارادى.
قۇتقار كىم بار ەركەسىن مىناۋ دالانىڭ!!!
ريزابەك نۇسىپبەك ۇلى