ق. توقايەۆ ب ۇ ۇ باس حاتشىسىنىڭ ورىنباسارى ك. گاياكپەن كەزدەستى
ق. توقايەۆتىڭ ايتۋىنشا، بۇل شارا ءبىزدىڭ ەلىمىزدىڭ ب ۇ ۇ- مەن ىنتىماقتاستىعى نىعايا تۇسكەنىن كورسەتەدى.
ب ۇ ۇ باس حاتشىسىنىڭ ورىنباسارى دۇنيەجۇزىلىك ۇيىمنىڭ مەرەيتويىنا جوسپارلانعان، اتاپ ايتقاندا، الەمدەگى مەملەكەت جانە ۇكىمەت باسشىلارىنىڭ باسىم كوپشىلىگى جينالاتىن ب ۇ ۇ- نىڭ الداعى نيۋ-يوركتەگى مەرەيتويلىق سامميتىنە ازىرلىك تۋرالى سەنات ءتوراعاسىن حاباردار ەتتى.
جۇزدەسۋشىلەر قاۋىپسىزدىكتى، بەيبىتشىلىكتى، دامۋدى جانە ادام قۇقىقتارىن قورعاۋداعى ەرەكشە جانە بالاماسىز ۇيىم بولىپ تابىلاتىن ب ۇ ۇ- نىڭ 70 جىلدىعىن لايىقتى اتاپ ءوتۋدىڭ ماڭىزدىلىعىنا توقتالدى. ق. توقايەۆ قازاقستاننىڭ ت م د- عا ءتوراعالىق ەتۋى اياسىندا بيىلعى قازان ايىندا دوستاستىق مەملەكەتتەرى باسشىلارىنىڭ كەڭەسىنىڭ وتىرىسى وتەتىنىن، وندا ب ۇ ۇ- نىڭ 70 جىلدىعىنا ارنالعان بىرلەسكەن مالىمدەمە قابىلداۋ جوسپارلانىپ وتىرعانىن اتاپ ءوتتى.
سەنات ءتوراعاسى پرەزيدەنت ن. ءا. نازاربايەۆتىڭ باستاماسىمەن «بەس ينستيتۋتتىق رەفورمانى ىسكە اسىرۋدىڭ 100 ناقتى قادامى» باعدارلاماسى جانە «نۇرلى جول» جاڭا ەكونوميكالىق باعىتى، سونداي-اق ب ۇ ۇ باس حاتشىسى پان گي مۋن، ءدىني كوشباسشىلار، ءبىرقاتار مەملەكەتتەردىڭ باسشىلارى مەن حالىقارالىق ۇيىمداردىڭ جەتەكشىلەرى قاتىساتىن الەمدىك جانە ءداستۇرلى دىندەر ليدەرلەرىنىڭ V سەزىنە ازىرلىك تۋرالى ب ۇ ۇ باس حاتشىسىنىڭ ورىنباسارىن حاباردار ەتتى. سەزد 10-11- ماۋسىمدا استانادا وتەدى، «ءدىني كوشباسشىلار مەن ساياسي قايراتكەرلەردىڭ بەيبىتشىلىك جانە دامۋ جولىنداعى ءۇن قاتىسۋى» تاقىرىبى بويىنشا ماڭىزدى پىكىرسايىس بولادى.
ب ۇ ۇ وكىلى الداعى ءدىني فورۋمىنىڭ ماڭىزدىلىعىن اتاپ ءوتىپ، حالىقارالىق تۇراقتىلىقتىڭ ەلەۋلى ماسەلەسىنە اينالعان مادەنيەتارالىق جانە ءدىنارالىق تولەرانتتىق تۇرعىسىندا قازاقستان الەمنىڭ كوپتەگەن ەلدەرىنە ونەگە ەكەنىن ايتتى. ول سونداي-اق استانانىڭ قارقىندى دامۋىنا تاڭدانىسىن جەتكىزە وتىرىپ، كەلەشەكتىڭ ەنەرگياسى تاقىرىبىنا ارنالعان «ەكسپو-2017» كورمەسىنىڭ تابىستى وتەتىنىنە سەنىم ءبىلدىردى.