ق ر ءبىلىم جانە عىلىم مينيسترىنە دەپۋتاتقا ءتىل تيگىزدى دەگەن كۇدىك كەلدى
ول باس پروكۋراتۋرادان ق ر ب ع م باسشىسىنىڭ ىسىنە باعا بەرۋدى سۇرادى، - دەپ حابارلايدى Tengrinews.kz.
«ءبىز جاڭا عانا ءبىلىم بەرۋ سالاسىنداعى زاڭعا بايلانىستى پىكىرتالاس وتكىزدىك، ال مينيستر مىرزا بولسا وسى زالدان شىعا سالىسىمەن «پەرۋاشيەۆتىڭ پىكىرى ءبىلىمدى بيزنەسكە اينالدىرعان جەكەمەنشىك جوعارى وقۋ ورىندارىنىڭ قىزىعۋشىلىعىن لوببيلەۋمەن تىكەلەي بايلانىستى» - دەدى، بۇل - ءبىرىنشى. ەكىنشىدەن: «ساپانى باقىلاۋدى كاسىپكە اينالدىرعان جەكەمەنشىك اككەرەديتتەۋ ورتالىقتارى قىزىعۋشىلىعىن لوببيلەۋمەن دە بايلانىستى»، - دەدى. سىزدەر بىلەسىزدەر، لوببيلەۋ - قانداي دا ءبىر زاڭدى وزگەرتۋ ارقىلى اقىلى قىزمەت ۇسىنۋ جانە ت. ب. ءبىرىنشى. ەكىنشى، ق ر قىلمىستىق كودەكسىنە ساي اقپارات قۇرالدارىنىڭ كومەگىمەن دەپۋتاتقا ءتىل تيگىزۋ بەلگىلى ءبىر جاۋاپكەرشىلىككە اكەلەدى»، - دەدى پەرۋاشيەۆ تومەنگى پالاتا وتىرىسىنىڭ سوڭىندا.
«وسىعان وراي مەن سپيكەرلەردەن وسى ماسەلەنى شەشۋ ءۇشىن باس پروكۋراتۋراعا بارۋدى سۇرايمىن، مەنىڭ بىلۋىمشە، دەپۋتاتتىڭ پىكىرى بارىمىزدەن جوعارى تۇرۋى كەرەك. بولعان جاعداي تۋرالى سۇراق ءوز الدىنا ماڭىزدى: ءمينيستردىڭ پارلامەنتتەگى پىكىرتالاستان كەيىن دەپۋتاتتاردى جەكەمەنشىك مەكەمەلەردىڭ قىزىعۋشىلىقتارىن لوببيلەدى دەپ ايىپتاي الا ما؟»، - دەدى دەپۋتات.
ايتا كەتەيىك، پارلامەنت ماجىلىسىندە «اق جول» پارتياسى فراكسياسىنىڭ دەپۋتاتى ازات پەرۋاشيەۆ اسلان سارىنجىپوۆكە ق ر ءبىلىم جانە عىلىم ءمينيسترى قىزمەتىنەن كەتۋدى ۇسىنعان بولاتىن.
«ماقۇلدانعان جوسپار بويىنشا وسى جىلدان باستاپ اتتەستاتسيالاۋدان تۇبەگەيلى باس تارتىپ، جوعارى وقۋ ورىندارىن جانە تەحنيكالىق، كاسىپتىك ءبىلىم بەرۋ، كادرلاردى دايارلاۋ ورتالىقتارىن اككرەديتتەۋگە كوشۋ كەرەك. ءبىلىم مينيسترلىگى مۇنى ىسكە اسىرا المادى. قازىر بىزگە ءار نارسەنى سىلتاۋ ەتىپ وتىر. وزدەرى جىبەرگەن ولقىلىقتاردىڭ ورنىن تولتىرۋعا نەمەسە جۇمىستى ورىنداي الماعاندارىن مويىنداۋدىڭ ورنىنا بىزگە زاڭدى وگەرتۋدى ۇسىنىپ وتىر. بۇل نە دەگەن سۇمدىق؟»، - دەدى پەرۋاشيەۆ ءبىلىم سالاسىنا قاتىستى زاڭعا وزگەرتۋ ەنگىزۋ تالقىلانعان تومەنگى پالاتا وتىرىسىندا.
مينيستر دەپۋتاتتىڭ سۇراعىنا راحمەت ايتىپ، مۇنداي جۇيەگە وتۋگە مينيسترلىك ەمەس، نارىق، نارىق سۋبەكتىلەرى دايىن ەمەس ەكەنىن مالىمدەدى.