ك. ءماسىموۆ حورۆاتيالىق ارىپتەسىمەن كەڭەيتىلگەن قۇرامدا كەلىسسوزدەر وتكىزۋدە
كەلىسسوزدەر بارىسىندا حورۆاتيا ۇكىمەت باسشىسى قازاقستانعا ساپارمەن العاش رەت كەلىپ وتىرعانىن اتاپ ءوتتى.
«ومىرىمدە العاش رەت قازاقستانعا ساپارلاۋ مەن ءۇشىن زور مارتەبە دەپ بىلەمىن. مەن ديپلوماتيالىق قىزمەتتەگى ارىپتەستەرىمنىڭ قازاقستانعا كەلىپ، ەلوردالارىڭىزدان مول اسەرمەن ورالعاندىعى ەسىمدە. قازىرگى ۋاقىتتا بىزدەر قازاقستانمەن ەكونوميكالىق بايلانىستاردى جانداندىرىپ، بيزنەس اراسىنداعى ىقپالداستىقتى تەرەڭدەتۋدەمىز»، - دەدى ول.
سونىمەن قاتار حورۆاتيا ۇكىمەت باسشىسى ءوز ەلىنىڭ قازاقستانمەن اراداعى ساۋدا بايلانىستى وتە تومەن دەڭگەيدە بولىپ وتىرعاندىعىن ءارى ونى جاقسارتۋعا مۇددەلى ەكەندىگىن باسا اتاپ ءوتتى.
«بۇگىن قازاقستان- حورۆاتيا بيزنەس- فورۋمى وتەدى. سول شارا بارىسىندا ەكى ەل بيزنەسمەندەرى اراسىندا تىعىز بايلانىس ورنايتىندىعىنا ءۇمىت ارتامىز. بۇل ۇزاق مەرزىمگە سوزىلاتىن دوستىق پەن ىنتىماقتاستىقتىڭ باستاماسى دەپ بىلەمىن»، - دەدى ز. ميلانوۆيچ.
اۆتور: مارلان جيەمباي