ساۋلەتشىلەر جۇمىرتقا پىشىندەس ىقشام ءۇيدىڭ جوباسىن جاسادى - فوتو

استانا. قازاقپارات-  جۇمىرتقا پىشىندەس شاعىن ءۇي كۇن مەن جەل قۋاتى ەسەبىنەن ءوز- ءوزىن جىلۋ جانە ەلەكتر جارىعىمەن قامتاماسىز ەتەدى. ۇزىندىعى 4 جارىم، ال ەنى 2 جارىم مەترلىك باسپانانىڭ جوباسىن سلوۆاكيا ساۋلەتشىلەرى جاساپ شىعاردى.

بيىكتىگى 2,5 مەتر بولاتىن بۇل ءۇيدىڭ جالپى اۋدانى نەبارى 8 شارشى مەتردى قۇرايدى، دەپ جازادى Crazy Engineers.

جوبا اۆتورلارى ءۇي وتە ىقشام ءپىشىندى بولسا دا، ونىڭ مۇمكىندىكتەرى مول ەكەندىگىن ايتتى. سەبەبى ونىڭ ىشىندە جينالمالى توسەك، اسءۇي، اسحانا، دۋش، اجەتحانا جانە ءتىپتى زات سالاتىن قوسىمشا بولىك تە بار ەكەن. باسپانا 2 ادامنىڭ تۇرۋىنا ارنالعان. ال ونىڭ توبەسىنە ورناتىلعان كۇن پانەلدەرى 600 ۆت، ءۇي الدىنداعى جەل تۋربيناسى 750 ۆت ەلەكتر قۋاتىن وندىرەدى. سونداي- اق ءۇيدىڭ ارنايى بولىگى جاڭبىر سۋىن جيناقتاپ، ونى باسپانانىڭ استىنداعى كونتەينەردە ساقتايدى ەكەن.  «ەۋرو كاپسۋلا» كەلەر جىلدىڭ باسىندا ساۋداعا شىعارىلادى، دەپ جازادى prian.ru.

www.24.kz