اۋعانستاندا «يسلام مەملەكەتى» ساربازدارى مەن تاليبان جاساقتارى قاقتىعىسىپ قالدى
فەرراح ءۋالياتىندا قارۋلى توپ جەرگىلىكتى تاليبان جاساقتارىنان ي م باسشىسى ءابۋ باكىر ءال باعداديعا انت ەتىپ، مويىنسۇنۋدى تالاپ ەتكەن.
بۇل تۋرالى اۋعان ارمياسىنىڭ فەرراح ءۋالاياتى باسشىسى، گەنەرال اساۋللاھ كوحيستاني مالىمدەدى. ي م ساربازدارى تاليبان باقىلاۋىنداعى حاكي ساففەد ايماعىنا شابۋىل جاساعان. شابۋىل بارىسىندا ي م- ءنىڭ 15 مۇشەسى وققا ۇشىپ. 12 ادام تۇتقىنعا تۇسكەن. تۇتقىندار اراسىندا ۇلتى وزبەك ءبىر ايەل دە بار. تاليبان جاعىنان 12 جاۋىنگەر قازا تاپقان.
جانجالعا اۋعان اسكەرىن ارالاستىرۋ تۋرالى ساۋالعا كوحيستاني: «قاقتىعىس بولعان ايماق تاۋلى جانە شالعايدا ورنالاسقان، اسكەر جىبەرۋ ءبىرشاما قيىنداۋ. ورتالىقتان اۋە كۇشتەرىن سۇراتتىق. تاليبان دا، ي م دە - ءبىزدىڭ جاۋىمىز. قازىرگى كەزدە ەكى جاق ءبىر بىرىنە سوعىس جاريالاعان»، - دەپ جاۋاپ بەردى.
ي م ساربازدارى تاليبان ايماعىندا ءوز ساپىنا جاۋىنگەر جيناۋ ماقساتىمەن تاليبانعا سوعىس جاريالاعان. وتكەن اپتادا ءدال وسى اۋماقتا تاليبان مەن ي م جاساقتارى اراسىندا جانجال بولىپ، تاليبان كومانديرى قازا تاپقان.
www.dalanews.kz