ب. ساعىنتايەۆ موڭعوليانىڭ پرەزيدەنتىمەن جانە پرەمەر- مينيسترىمەن كەزدەستى
18:04, 26 - مامىر 2015
استانا. قازاقپارات - ق ر پرەمەر- ءمينيسترىنىڭ ءبىرىنشى ورىنباسارى باقىتجان ساعىنتايەۆ موڭعوليادا كەلىسسوزدەر جۇرگىزدى.
ۋلان- باتورعا جۇمىس ساپارى بارىسىندا باقىتجان ساعىنتايەۆ موڭعوليا پرەزيدەنتى س. ەلبەگدورجپەن كەزدەسىپ، قازاقستان پرەزيدەنتى نۇرسۇلتان نازاربايەۆتىڭ ەلىمىزگە جۇمىس ساپارمەن كەلۋگە شاقىرۋىن تابىستادى. بۇل تۋرالى ق ر پرەمەر- ءمينيسترىنىڭ باسپا ءسوز قىزمەتى حابارلادى.
كەلىسسوزدەر بارىسىندا تاراپتار ەكى جاقتى ساۋدا- ەكونوميكالىق ىنتىماقتاستىق جاعدايىن، ەكونوميكانىڭ باسىمدىقتى سالالارىنداعى بىرلەسكەن ينۆەستيتسيالىق جوبالاردى جۇزەگە اسىرۋ ماسەلەلەرىن تالقىلادى.
جۇمىس ساپارى اياسىندا باقىتجان ساعىنتايەۆ سونداي- اق موڭعوليا پرەمەر- ءمينيسترى چ. سايحانبيلەگپەن كەلىسسوزدەر جۇرگىزدى.
اۆتور: قانات مامەتقازى ۇلى