قازاقستاندىق ايدىن ايىمبەتوۆتىڭ عارىشقا ۇشۋى تۋرالى ماسەلە قارالىپ جاتىر
17:24, 26 - مامىر 2015
استانا. قازاقپارات - قازاقستاندىق عارىشكەر ايدىن ايىمبەتوۆ حالىقارالىق عارىش ستانساسىنا بريتاندىق ءانى سارا برايتماننىڭ ورنىنا ۇشۋى ىقتيمال.
بۇل تۋرالى ق ر ينۆەستيتسيا جانە دامۋ مينيسترلىگىنىڭ ايروعارىش كوميتەتىنىڭ باسپا ءسوز قىزمەتىنىڭ باسشىسى ەربول داۋلەتوۆ ءمالىم ەتتى.
«بۇل پىسىقتالىپ جاتىر. سارا برايتماننىڭ ورنى بوساۋىنا بايلانىستى وسى ماسەلە قاراستىرىلۋدا. دەگەنمەن «روس كوسموس» قانداي شەشىم قابىلدايتىنى بەلگىسىز. ءبىراق قازاقستان تاراپىنان ناقتى ۇسىنىس بولىپ وتىر»، - دەدى ول «قازاقپارات» تىلشىسىنە بەرگەن جاۋابىندا.
ەسكە سالا كەتەيىك، بۇنىڭ الدىندا حابارلانعانىنداي، قىركۇيەك ايىندا حالىقارالىق عارىش كەمەسىنە بريتاندىق ءانشى سارا برايتماننىڭ عارىش تۋريسى رەتىندە ۇشۋى تۋرالى حابار تاراعان بولاتىن. دەگەنمەن ءانشى قارجىلىق ماسەلەلەرگە بايلانىستى ول ساپاردان باس تارتقان بولاتىن.
اۆتور: جاسۇلان جولدىبايەۆ
قازاقستاندىق عارىشكەر ايدىن ايىمبەتوۆ