ناعىز شوۋ جاساي الاتىن جۇلدىز كىم؟
كۇننەن كۇنگە دامىپ كەلە جاتقان قازاق شوۋ-بيزنەسىندە ءبىرى انىمەن، ءبىرى سانىمەن ەندى ءبىرى بيىمەن ەرەكشەلەنەتىن انشىلەر بار. الايدا سوڭعىسىمەن، ياعني بيمەن حالىقتى ەلەڭ ەتكىزىپ، كاسىبي شوۋ-جاساپ، ءان مەن ءبيدى قاتار الىپ جۇرگەن انشىلەر كوپ ەمەس.
نەگە؟ ءبىرى بيلەيتىن، ەكىنشىسى مۇلدە بيلەمەيتىن توپقا ءبولىنىپ العان انشىلەردىڭ وزدەرى بۇل سۇراققا بىرنەشە جاۋاپ ايتتى.
جاس ءانشى سەرىكبول سايلاۋبەك ساحناعا بيلەپ شىققان انشىلەردىڭ ءبىرى. ەل الدىندا بۇلاي قيمىلداپ، سەكىرۋىن بويىنداعى بالا كەزدەن قالىپتاسقان ەرەكشە ونەر دەپ سانايدى. الايدا، سەرىكبول كوپتەگەن وزگە انشىلەر سياقتى ساحناعا شىعار الدىندا، ارنايى ءبي ۇيرەتەتىن ماماندارعا قاراجاتىن، ۋاقىتىن قيىپ بارمايدى ەكەن.
مۇمكىن انشىلەردىڭ ساحناعا بيلەمەي شىعۋىنىڭ ءبىر سەبەبى دە وسى شىعار؟ الدە ۇيالا ما ەكەن؟
وزىنە جاراساتىن ەرەكشە شوۋدى «ەلۋدەگى ەركە قىز اتانعان» ماقپال حانىم جاساپ جۇرگەن سياقتى. ونىڭ ىرعاقتى اندەرگە شىر اينالا بيلەۋىن حالىق ەرەكشە جىلى قابىلدايدى.
ال، قايرات نۇرتاستىڭ كوپشىلىككە جاقسى تانىس قيمىلدارى. ءانشىنىڭ ءبيىن ءتىپتى پاروديا جاسايتىندار كوبەيگەن. ارنايى ماماندارعا بارماسا دا بۇل ءانشىنىڭ ءبيى دە حالىققا قاتتى ۇنايدى.
ال، اقىلبەك جەمەنەيدىڭ مۇنداي ونەرى جوق. شوۋ-بيزنەسكە ەندى قادام اتتاعاندا ءانشى ءوزىن روبوتقا تەڭەگەن. الايدا، وردالىقتاردان ۇيرەنگەن ءبيىن حالىققا قاتتى كورسەتە بەرمەيدى.
بۇل ەسترادامىزداعى بيلەۋدەن قورىقپايتىن انشىلەرىمىز. ال، بيلەمەيتىندەر كىم؟
ال، اقبوتا كەرىمبەكوۆا ءوزىن بيلەي المايتىن انشىلەردىڭ قاتارىنا جاتقىزادى. ال، ءالي وقاپوۆ بيمەن كاسىبي تۇردە اينالىساتىن ساناۋلى انشىلەردىڭ قاتارىندا. اقشاسىن تولەيدى، ۋاقىتىن بولەدى. ساحناعا تەك كاسىبي ماماندارمەن قويىلعان ءبيدى الىپ شىعادى.
www.radio31.kz