قازاقستان ت م د بويىنشا ەڭ باقىتتى ەلدەردىڭ ۇشتىگىنە كىردى

استانا. قازاقپارات - ب ۇ ۇ تاپسىرماسى بويىنشا گەللاپ ينستيتۋتى حالىقارالىق باقىت يندەكسىن جاسادى.

رەيتينگتە ازاماتتاردىڭ بايلىعى مەن ءال-اۋقاتى دەڭگەيىنەن بولەك ءومىر ءسۇرۋ ۇزاقتىعى مەن جۇمىسپەن قامتىلۋ دەڭگەيى دە ەسكەرىلدى. قازاقستان پوستكەڭەستىك كەڭىستىك ەلدەرىنىڭ ىشىندە ەڭ باقىتتى ەل ۇشتىگىنە كىردى.

زەرتتەۋگە سايكەس بۇرىنعى ك س ر و رەسپۋبليكالارىنىڭ اراسىندا ەڭ باقىتسىزى گرۋزيا (130- ورىن)، ارمەنيا (127- ورىن)، ۋكراينا (111- ورىن) اتاندى. ودان ءارى رەت بويىنشا تاجىكستان، لاتۆيا، ازەربايجان، قىرعىزستان، ەستونيا، تۇركىمەنستان ورنالاسقان. رەسەي مەن بەلارۋس 64-ورىن جانە تيىسىنشە 59-ورىندا تۇر.

قازاقستان پوستكەڭەستىك كەڭىستىك ەلدەرىنىڭ اراسىندا ەڭ باقىتتى ەلدەر اراسىندا قۇرمەتتى ءۇشىنشى ورىندا تۇرسا، الەم بويىنشا 54-ورىندى يەلەنگەن. مولداۆا (52- ورىن)، وزبەكستان (44-ورىن) ازاماتتارى وزدەرىن بىزدەن دە باقىتتىراق سەزىنەتىن بولىپ شىقتى، دەپ جازادى «ەكسپرەسس-ك» باسىلىمى.