ب. ساپاربايەۆ جاستار اراسىندا بەلەڭ العان سۋيتسيدكە الاڭداۋشىلىق ءبىلدىردى
بۇل تۋرالى بۇگىن ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە وتكەن «ەلباسىمەن بىرگە جاستاردىڭ قادامى» فورۋمىندا ق ر پرەمەر-ءمينيسترىنىڭ ورىنباسارى بەردىبەك ساپاربايەۆ ءمالىم ەتتى.
«تەك بىلتىرعى جىلدىڭ وزىندە 900 گە جۋىق وزىنە-ءوزى قول جۇمساۋ وقيعاسى تىركەلدى. ونىڭ ءاربىر ءۇشىنشىسى جاستار اراسىندا ورىن العان. بۇل نە سۇمدىق؟ مەكتەپتەر قايدا قاراپ وتىر؟ بيلىك نەگە شارا قولدانبايدى؟ قولدانسا، ناتيجەسى قايدا؟ اتا-انالار كوميتەتتەرى قايدا؟ مەكتەپ ديرەكتورلارى نەگە ولارمەن جۇمىس جاسامايدى؟ مەنىڭ بىلۋىمشە، بۇگىندە 2070 مەكتەپتە مەكتەپ ينسپەكتورلارى بار. كۇن ارالاپ سۋيتسيد بولىپ جاتسا، ولار نە ىستەپ ءجۇر؟»، - دەدى ب. ساپاربايەۆ.
ونىڭ پىكىرىنشە، مۇنداي جاعدايلاردى بولدىرماۋ ءۇشىن بالالارمەن جۇمىستى جاقسارتۋ قاجەت. جانە دە بالەنىڭ ءبارىن ۇ ب ت- عا جابا سالۋعا بولمايدى.
بۇگىندە وزىنە-ءوزى قول جۇمساۋ وقيعالارى قوستاناي، الماتى، شىعىس قازاقستان، وڭتۇستىك قازاقستان وبلىستارىندا كەڭ ەتەك جايىپ تۇر.
«بۇنداي جاعدايدى بولدىرماۋ ءۇشىن ءبىلىم جانە عىلىم مينيسترلىگى قورعانىس مينيسترلىگىمەن، مادەنيەت جانە سپورت مينيسترلىگىمەن جانە باسقا دا ۆەدومستۆولارمەن قويان-قولتىق جۇمىس ىستەۋ كەرەك»، - دەپ اتاپ ءوتتى ۆيتسە-پرەمەر.