اقمولا وبلىسىندا قۇرىلىس ماتەريالدارىن شىعاراتىن شاعىن زاۋىت ىسكە قوسىلدى
بۇل تۋرالى وڭىرلىك كاسىپكەرلەر پالاتاسىنىڭ باسپا ءسوز قىزمەتىنەن حابارلادى.
«ريفەي ۋدار» دەپ اتالاتىن كاسىپورىن باسشىسى الەكساندر ماليكوۆتىڭ ايتۋىنشا، جاڭادان شىعارىلىپ وتىرعان ونىمگە قازىردىڭ وزىندە سۇرانىس تۇسە باستاعان.
«مەن بۇلاي ءبىزدىڭ ونىمگە سۇرانىس ارتادى دەپ ويلاعان جوقپىن. ون مىڭ بلوكتى «ۋرال قۇرىلىس ينۆەست» ج ش س ساتىپ الدى. بۇل كومپانيا اۋدانىمىزدا جاڭادان سالىنىپ جاتقان ەمحانا قۇرىلىسى مەن 5 قاباتتى ۇيگە كۇردەلى جوندەۋ جۇمىستارىن جۇرگىزۋدە. وسىنداي ءىرى كومپانيانىڭ ءبىزدىڭ ونىمگە دەگەن سۇرانىسىنىڭ جوعارى بولۋى ءبىز ءۇشىن ۇلكەن قۋانىش.
الداعى ۋاقىتتا كاسىپورىندى تولىقتاي قۋاتىنا شىعارۋ جوسپاردا بار. قازىرگە دەيىن قۇرىلىس ماتەريالدارىنىڭ بلوك، شاقپا تاس، بەدەر تاس سياقتى 28 ءتۇرىن شىعارامىز. ءونىم مەملەكەتتىك ستاندارتقا تالاپتارىنا ساي كەلەدى.
ال، جۇمىس پروتسەسسىنىڭ اۆتوماتتاندىرىلۋى 8 ساعاتتىڭ ىشىندە 4 مىڭ جارتى بلوك، 2220 قۇرىلىس تاسى جانە 280 شارشى مەتر بەدەر تاس وندىرۋگە قاۋقارلى»، - دەيدى ا. ماليكوۆ.
اۆتور: اسلان وسپانوۆ